Advertisement
 
 
 
 
 
 
 
 

Amakuru | Mu Rwanda

Rubavu: Nyuma ya nyakatsi, inzu zihomesheje amase zanze gucika   

  Yanditswe na IYAREMYE YVES
 5 months ago

 
 

Bamwe mu baturage bo mu mirenge itandukanye mu Karere ka Rubavu bavuga ko babangamiwe no gukomeza gutura mu nzu zimeze nka nyakatsi mu gihe igihugu gikomeje gutera imbere.

Bamwe bavuga ko babiterwa n’ubushobozi buke mu gihe abandi bahamya ko ari imyumvire igifitwe na bamwe kuko batuye mu karere kera, ariko ugasanga abifite barimo abagihomesha inzu zabo amase.

Inzu zihomeshejwe amase y’inka, izubakishijwe ibiti zihomeshejwe igitaka zimenyerewe muri aka karere kuko ziri mu zahise zigoboka abenshi ubwo nyakatsi zacibwaga mu gihugu kuko abenshi bakuragaho ibisenge bagashyiraho amabati.

Bamwe mu baturage bavuga ko iki kibazo giterwa n’imyumvire ikiri hasi kuko abishoboye mu byaro ari bo bubakisha ibiti bagahomesha amase ukabije agahomesha igitaka cy’ibumba.

Nubwo hari imwe mu mirenge bigora kubona igitaka cyo kubumbamo amatafari kubera amakoro n’ubutaka bw’ibrunga, bamwe mu baturage bayubakisha bavuga ko icya mbere ari uguhindura imyumvire kuko hari abashoboye kubaka inzu zigezweho bakirara mu nzu zihomesheje amase.

Imyumvire ituma bamwe mu bifite bumva ko inzu zihomesheje amase ari zo zigezweho


Abakiri muri izi nzu bavuga ko batishoboye kuko barimo n’abafite inzu zisakajwe amabati ariko ku mpande ari ibyatsi.

Nyiraguhirwa Venantie umupfakazi utuye muri uyu murenge wa Rubavu yagize ati “Kuba dufite inzu zimeze nka nyakatsi natwe si twe ni ubukene bugira nabi. Ubu turi hano abenshi ni abapfakazi, kubera ubushobozi buke ntabwo twabona uko tugeza hano igitaka ngo duhome amazu yacu.”

Yavuze ko kugira ngo babone itaka ry’ibumba ryo guhomesha ari ingorabahizi aho n’ubashije kugira ubushobozi afite inka ahomesha amase.

Ziragora Thadée wahomesheje amase na we ati “Natwe guhomesha amase ni uko twishoboye ariko usanga umunuko wayo utubangamiye. Ibaze nawe kurara ahantu hazengurukijwe umwanda w’inka birabangamye cyane ko iyo bimaze kuma hari ubwo bihomoka tugahora duhomaho amase mabisi.”

Aba baturage bazi neza ko amase bahomesha inzu yakabaye abafasha mu gufumbira imyaka ariko kuba kubona ibumba ari ukurigura ngo bituma bakoresha uburyo bafite.

Bamwe mu batishoboye bagorwa no kubona amase nubwo acirirtse


Imanizabayo Clarisse Umunyamabanga Nshingwabikorwa w’Umurenge wa Rubavu yemeza ko iki kibazo cy’abaturage akizi gusa akavuga ko ubushobozi bw’umurenge ari buke ahubwo babishyikirije akarere ngo kabafashe.

Aragira ati “Twakoze raporo tubishikiriza akarere kuko hariya hari ikibazo cy’ubutaka bw’amakoro ku buryo abaturage batabona uko bahoma amazu. Rero kubera biturenze twabishyikirije akarere tubasaba inkunga y’itaka n’amatafari kugira ngo twubakire imiryango ituye hariya.”

Dushimimana Lambert Perezida wa Njyanama y’Akarere ka Rubavu avuga ko ikibazo cy’abatabasha kubona igitaka byiza cyo guhoma inzu zabo bakizi ashimangira ko bimwe mu bisubizo kuri cyo byateguwe mu ngengo y’imari uyu mwaka.

Yagize ati "Ibijyanye no gufasha abatishoboye twabishize mu ngengo y’imari y’uyu mwaka byose ntabwo bizakemuka gusa hari aho bizagera bitewe n’ubushobozi."

Ubuyobozi bw’Akarere buhamya ko buzakomeza gukangurira abaturage kubaka kijyambere kuko ufite imibereho myiza agirwa no gutura heza.

Amakoro n'ubutaka bw'Ibirunga butuma abatishoboye bibera mu nzu zizengurutswe n''ibyatsi


 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.