Advertisement
 
 
 
 
 
 
 
 

Amakuru | Mu Rwanda

Rubavu: Imodoka ya Daihatsu yagonze tagisi zirakongoka, hapfa babiri   

  Yanditswe na IYAREMYE YVES na MAGARAMBE THEODORE
 July 2016

 
 

Kuri uyu wa Gatatu ahagana saa moya z’umugoroba, imodoka yo mu bwoko bwa Daihatsu yagongeye imodoka nto itwara abagenzi (Taxi Hiace) imbere y’Ibitaro bya Gisenyi zirashya zose zirakongoka.

Umunyamakuru wa Imvaho Nshya ari ahabereye iyi mpanuka yemeje ko umushoferi wa Daihatsu witwa Ndagije JMV hamwe na Tandiboyi we bakunda kwita Tunga ari bo bishwe n’iyi mpanuka bakongokeye mu modoka yabo, mu gihe abagenzi 18 bari muri tagisi nta n’umwe wapfuye cyangwa ngo akomereke.

Hakizimana Aime wari utwaye taxi ihetse abagenzi 18 yabwiye Imvaho Nshya ko ubwo bazamukaga babonye Dayihatsu imanuka igenda nk’ifite ibibazo yanatangiye kwaka, ahita ahagarara abantu bavamo biruka.

Nyuma y’uko abagenzi bari bakimara kuvamo iyi modoka yasaga nk’iyacitse feri yahise igonga tagisi zose zihita zishya zirakongoka.

Yagize ati “Twabonye Daihatsu isa n’iyabuze feri ariko yatangiye kwaka. Twahise tuva mu modoka turiruka kuko twabonye irahita itugonga natwe.”

Umuvugizi wa Polisi mu ntara y’Uburengerazuba CIP Kanamugire Theobard, yemeje amakuru y’iyi mpanuka avuga ko icyatumye Dayihatsu ifatwa n’umuriro kitaramenyekana ariko avuga ko bakeka ko n’ubusanzwe yari isanganywe ibibazo bya tekiniki.

Ati “Hari mu muhanda umanuka cyane Daihastu yari itwaye imitumba y’insina bigaragara ko yabuze imbaraga cyangwa feri shoferi akagerageza kurwana nayo bikamunanira. Uwari uyitwaye yahise apfa turacyakora iperereza ngo tumenye icyateye iyi nkongi y’umuriro.”

Umuvugizi kandi yakomeje asaba abatwara imodoka kugendera ku mategeko agenga umuhanda,bakamenya neza niba imodoka batwaye nta bibazo zifite byateza impanuka mbere yo kuyinjiza mu muhanda.

 

Comments

 
 
Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.