Advertisement
 
 
 
 
 
 
 
 

Amakuru | Mu Rwanda

Rubavu: Ikigo cyakiriye abarwayi ba cholera kirakira abanyeshuri   

  Yanditswe na IYAREMYE YVES
 August 2016

 
 

Ikigo cyakiriye abarwayi ba cholera imaze ibyumweru birenga bibiri ivugwa mu karere ka Rubavu cyatngaje ko cyiteguye kwakira abanyeshuri nyuma yo gusukurwa mu buryo bwose bushoboka.

Iki kigo giherereye mu murenge wa Kanama akarere ka Rubavu cyigamo abanyeshuri barenga 3000.

Abarwayi barenga 60 bari bafashwe n’iki cyorezo baherewe akato mu Rwunge rw’amashuri rwa Kanama Catholique yitiriwe mutagatifu Paul, mu gihe hari hakajijwe ingamba zo guhangana n’iki cyorezo cyahitanye batatu bo mu kagari kawe ku ikubitiro.

JPEG - 245.9 kb
Ubuyobozi buremeza ko ikigo cyakiriye abarwayi ba cholera cyamaze gusukurwa

Mu gihe hasigaye umunsi umwe ngo abana batangire igihembwe cya gatatu, Umuyobozi wa Groupe Scolaire Kanama Catholique Uzaribara Denis, yashimangiye ko iki kigo cye cyiteguye kwakira abana nta kibazo kuko cyamaze gukorerwa isuku ihagije.

Uzaribara yabwiye Imvaho Nshya ko abaganga baturutse mu bigo nderabuzima na Minisiteri y’Ubuzima bahakoreye amasuku ahagije bahatera umuti.

Yagize ati “Ikigo kimeze neza rwose ejo tuzatangira akazi, cyose baragisukuye mu gihe cy’iminsi ibiri; ku wa gatatu ni bwo twumva twiteguye gutangira neza akazi. Abanyeshuri turabasaba kudatinya kuko ikibazo cyarakemutse.”

Sinamanye Jeremie Umuyobozi w’Akarere ka Rubavu yahamije ko iki kigo cyiteguye neza kwakira abanyeshuri basanzwe bahiga.

Aragira ati “Mu nkambi nta murwayi ukirimo twarahasukuye nyuma y’uko ikibazo cyabo gikemutse kuva kwa gatatu. Ubu imyiteguro yo kwakira abanyeshuri irarimbanyije kandi nta munyeshuri ukwiye kugira ubwoba kuko abaganga bifashishije ibikoresho byabugenewe barahasukuye.”

Mu mpera z’iki cyumweru ni bwo Minisiteri y’Ubuzima yatangaje ko nta cyorezo cya Cholera kikirangwa mu Karere ka Rubavu, ko igisigaye ari ugukora ubukangurambaga mu baturage kwirinda iki cyorezo hamwe n’izindi.

 

Comments

 
 
Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.