2017-05-23 15:35:04 clouds 27o High | Kigali Rwanda

Dukurikire:
 
 

Rubavu: Bijujutiye gutegekwa kwishyura inka 4 zatemewe aho batuye

Yanditswe na Claude Ntawitonda

Kuya 2016-08-04 16:16:43

 
Share on:
 
Yasuwe:6
 
Yavuzweho:200
 
10
 
10

Abaturage bo mu mudugudu wa Bigaragara Akagari ka Mutovu mu murenge wa Bugeshi Akarere ka Rubavu bategetswe kwishyura miliyoni y’amafaranga y’u Rwanda yo kwishyura inka enye za Mbonigaba Valens zatemwe ahagana saa tatu z’ijoro rishyira kuri uyu wa Kane.

Mbonigaba Valence yasobanuye ko inka ze hataramenyekana abazitemye kandi ngo imwe yahise ipfa ako kanya.

Ati “Twari mu rugo abashumba bageze mu rugo noneho bageze mu gikuyu basanga inka 4 bazitemye imwe ihise ipfa,izindi veterineri yazihuhuye nijoro kuko bagiye bazitema amaguru n’amaboko no mu mutwe. Turakeka umushumba twari tumaranye iminsi ko ariwe wabikoze kuko twamwirukanye kubera n’imyitwarire.”

Uyu mwanzuro wafashwe n’Ubuyobozi bw’Akagari ka Mutovu ntiwashimishije abatuye uyu mugudugudu kuko bashinja uburangare abakora irondo n’abarinzi b’amahoro.

Umwe mu baturage batuye mu mudugudu wa Bigaragara yagize ati “Abantu bazitemye ntabwo bari bamenyekana. Hakoreshejwe iperereza barababura none gitifu w’akagari avuze ko abatuye umudugudu bose bagomba guteranya amafaranga bakaziriha agera kuri miliyoni ntabwo uyu mwanzuro wadushimishije.”

Undi na we yongeyeho ati “Kuba byabaye ni ikibazo gikomeye kuko hari intege nke z’abarinzi b’amahoro, n’abanyerondo batakoze inshingano zabo uko bikwiye. Ntabwo byumvikana uko umuntu yatema inka enye ntihagire n’imwe yabira kandi bavuga ko bari aho hafi…n’iyo uyikubise irabira.”

Umunyamabanga Nshingwabikorwa w’Akagari ka Mutovu yemeje aya makuru agira ati “Byari hagati y’inzu z’abaturage; bikimara kuba haketswe Nzayituriki wahoze akorera Mboniga ahita afatwa ashyikirizwa Polisi. Naho kuba twafashe umwanzuro wo kwishuza abatuye umudugudugu ni uko ariko bisanzwe, inka ipfuye hakabura uwakoze amahano abatuye umudugudu barayishura.”

Umuyobozi yakomeje avuga ko igihe uwafashwe azaba atahamwe n’icyaha, ingo zigera kuri 200 ziri mu kagari ka Mutovu ari zo zizaba zigomba gukusanya miliyoni imwe y’amafaranga y’u Rwanda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE