Advertisement
 
 
 
 
 
 
 
 

Amakuru | Mu Rwanda

Rubavu: Ahatoranyirijwe kubakwa umudugudu w’icyitegererezo hateje impagarara   

  Yanditswe na IYAREMYE YVES
 August 2016

 
 

Abatuye mu mudugudu wa Gitega, Akagali ka Ndoranyi, Umurenge wa Mudende, mu Karere ka Rubavu bavuga ko batewe impungenge no kuba amasambu bahingaga agiye kubakwamo umudugudu w’icyitegererezo.

Aba baturage bavuga ko aho umudugudu uzubakwa ari ho bahingaga ndetse bakahororera kandi ngo bari no mu gihirahiro kuko ntibazi aho Akarere kazaberekeza mu gihe biteganyijwe ko n’izo nzu zitazaba ari izabo ahubwo zizatuzwamo abakuwe mu manegeka.

Bamwe muri bo bavuga ko mu yumweru gishize ari bwo umukozi w’Akarere yaje apima hegitari 20, ngo ababwira ko zigomba kubakwaho umudugudu w’icyitegererezo ndetse ko abahinganga muri ubwo butaka bagomba guhita bahagarika guhinga uwo mwanya.

JPEG - 82.7 kb
Aba baturage bahangayikishijwe n’uko amasambu yabo agiye gutuzwamo abandi kandi yari abatunze

Aba baturage biganjemo abarokotse Jenoside yakorewe Abatutsi bavuga ko mbere y’uko uwo mutekinisiye w’Akarere abereka ubutaka batazongera gukubitaho isuka ngo Umuyobozi w’Akarere ka Rubavu Sinamenye Jeremie yari yabakoresheje inama itunguranye abizeza ko amashanyarazi n’umuhanda bahoraga bamusaba bigiye kubageraho bakabona n’umudugudu w’icyitegererezo ari na wo ugiye kubakwa mu masambu yabo.

Uretse kuba bataragishijwe inama, banahangayikishijwe no kubona ubutaka bwari bubatunze bugiye kubakwaho bagasigara batagira aho guhinga no kororera kandi ngo ari uwo mwuga ubatunze.

Mukamana Jeanne umwe muri aba baturage ayagize ati “Iki cyemezo cyadukuye umutima ku buryo bukabije, twagiye kumva twumva baraduhamagaye ngo tuze mu nama mu gitondo, tuhageze meya aratuganiriza atubwira ko hari umusaza ukunda kumusaba umuhanda n’umuriro, ahita atubwira ko uretse ibyongibyo azaduha n’umudugudu w’icyitegerezo ariko ukubakwa mu masambu dusanzwe duhinga.”

Yakomeje agira ati “Abenshi hano turi abapfakazi ba Jenoside abandi turera imfubyi; none se ni gute aya masambu yacu bazayafata ngo hubakwe ayo mazu meza batubwira? None se nibubaka ayo mazu ni yo tuzarya? Birababaje cyane.”

Bavuga ko aho ugiye kubakwa ari mu matongo ya bo bikaba bizabagiraho ingaruka nyinshi zirimo no kuba imibiri y’ababo izubakwaho amazu kuko kugeza ubu hari ubwo iyo bahinga babona imibiri y’ababo batashyinguwe mu cyubahiro.

JPEG - 100 kb
Abaturage ntibishimiye kubwirwa ko iterambere bagiye kugezwaho rizabasaba kuzibukira ubutaka bwabo

Ugiruwe Boniface warokokeye muri aka gace yagize ati “Nta mwaka n’umwe tudataburura imibiri y’abavandimwe bacu ahangaha, urabona duturiye ikigo cya gisirikare cya Bigogwe kandi abasirikare (ba Habyarimana) ni bo bishe abantu ahangaha, kuba bagiye kuhubaka umudugudu bashobora kubaka hejuru y’abacu.”

Umunyamabanga Nshingwabikorwa w’Intara y’ Uburengerazuba Jabo Paul avuga ko aba baturage batakagombye guhangayikishwa n’igikorwa cyo kubakirwa umudugudu w’iterambere kuko ngo bazahungukira byinshi.

Jabo yagize ati “ Uyu ni wo Murenge Akarere ka Rubavu kahisemo ngo ushyirwemo ibikorwa by’iterambere ryihuse, hagahinduka icyitegererezo ku buryo iryo terambere rizajya rigenda rikwira hose. Bazabona amashuri, amashanyarazi, ibitaro ndetse n’ibindi.”

Ubuyobozi bw’Akarere ka Rubavu bugiye kubaka uyu mudugudu nyuma yo gusura undi wo mu Karere ka Bugesera watujwemo abaturage bavuye ku kirwa cya Mazane na Sharita yo mu Murenge wa Rweru mu Karere ka Bugesera.

JPEG - 105.2 kb
Inama itunguranye ya Meya yasize abaturage bijujuta
JPEG - 94.7 kb
Ubu butaka ngo babukoreraho ubuhinzi n’ubworozi
JPEG - 103.9 kb
Aba baturage bijejwe ko umudugudu w’icyitegererezo ari amahirwe kuri bo kuko uzazana n’ibyiza byinshi

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.