2017-08-19 07:41:08 clouds 27o High | Kigali Rwanda

Dukurikire:
 
 

Rubavu: Ahagenewe umudugudu hagateza impagarara hahinduwe

Yanditswe na IMVAHO NSHYA

Kuya 2016-09-05 19:04:06

 
Share on:
 
Yasuwe:11
 
Yavuzweho:200
 
10
 
10

Ubuyobozi bw’Akarere ka Rubavu bwahisemo guhindura agace kazubakwamo umudugudu w’icyitegererezo nyuma y’aho abatuye mu mudugudu wa Gitega, Akagali ka Ndoranyi, Umurenge wa Mudende, bagaragarije impungenge batewe no kuba amasambu yari abatunze agiye kubakwamo.

Nyuma y’aho aba baturage batakiriye neza ibyo kubakirwa mu masambu kandi atari nab o bazatuzwa mu mazu azubakwa, Akarere kafashe icyemezo cyo kwimurira uyu mudugudu mu mudugudu w’Akagera, Akagari ka Bahimba mu murenge wa Nyundo.

Impamvu nyamukuru yatumye aba baturage bo mu Kagali ka Ndoranyi banga uyu mudugudu bivuye inyuma, ngo ni uko amasambu yabo ari yo abatunze kuko atanga umusaruro cyane.

JPEG - 195.8 kb
Umudugudu w’icyitegererezo wubatswe mu buryo bworohereza abaturage kubaho mu buzima bwiza

Abaturage b’ahimuriwe uyu mudugudu basuye umudugudu w’icyitegererezo wa Bugesera wubatswe mu kagari ka Batima, umurenge wa Rweru ari na wo utanga ishusho y’uwo bazubakirwa.

Bamwe mu baturage bo mu Murenge wa Nyundo bavuga ko bakurikije uko babonye umududu wo muri Rweru watujwemo abaturage bavuye ku kirwa cya Mazane na Sharita bishimiye kuwakira kuko bazabona amashuri, ibitaro ndetse n’ibindi bikorwaremezo babonaga bibagoye.

JPEG - 198 kb
Abaturage ba Mudende na bo ngo bagiye gukomeza gukangurirwa kumva ibyiza by’iyi midugudu

Ntahomvukiye Theoneste umwe muri bo yagize ati “Nishimiye cyane icyemezo cy’Akarere cyo kutwubakira umudugudu w’icyitegererezo kuko tuzaba dufite ibitaro hafi; ubusanzwe byabaga kure ku buryo kugezayo nk’umubyeyi utwite byabaga ari ikibazo kidukomereye.”

Umuyobozi w’Akarere ka Rubavu Sinamenye Jeremie avuga ko impamvu bahisemo kubaka uyu mudugudu mu murenge wa Nyundo ari uko abo muri Mudnde bagaragaje ko batawushaka, gusa ngo ntibirangiye burundu kuko atari umudugudu umwe uzubakwa.

Yemeza ko mu midugudu itatu igomba kubakwa mu karere ka Rubavu no muri Ndoranyi bawanze uzahubakwa abahatuye bamaze kumva agaciro kawo.

JPEG - 221.6 kb
Abaturage bagiye gutangira kubakirwa umudugudu bawishimiye kuko ugiye gutuma begerezwa ibikorwaremezo

Ati “Abaturage ni bo bafite ijambo rinini mu bibakorerwa, abo muri Mudende baratsimbaraye birasaba ko tuzabanza kubigisha uwo mudugudu ukubakwa kuko aho batuye nta bikorwa remezo bighari. Ku ikubitiro tuzahera ku baturage bo mu kagari ka Ndoranyi bagiye kubakirwa umuhanda kugira ngo bave mu bwigunge.”

Umudugudu wicyitegererezo wo Mu murenge wa Rweru mu Karere ka Bugesera ufatwaho rugero ukaba utujwemo imiryango 104 yimuwe mu birwa bya Mazane na Sharita, ukaba waratashywe na Perezida Kagame ku ya 4 Nyakanga 2015.

Umukuru w’Igihugu yasabye ko umudugudu w’icyitegererezo wakubakwa muri buri Karere. Mu byiza by’uyu mudugudu hakaba harimo kurondereza ubutaka kuko usanga inzu iri mu kibanza kimwe ibamo imiryango ine yacumbikamo imiryango ine.

JPEG - 209.8 kb
Mu rugendoshuri i Bugesera abaturage b’i Rubavu basobanuriwe ibyiza byo gutura mu mudugudu (Foto Iyaremye Y)
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE