Advertisement
 
 
 
 
 
 
 
 

Amakuru | Mu Rwanda

Rubavu: Abaveterineri b’Akarere bahagaritswe bagiye gusimbuzwa   

  Yanditswe na IYAREMYE YVES
 5 months ago

 
 

Ubuyobozi bw’Akarere ka Rubavu bwatangaje ko abavuzi b’amatungo (veterineri) bamaze amezi agera kuri atatu bahagaritswe bagiye gusimbuzwa abandi mu gihe kitarenze ukwezi kumwe.

Ibi byatangajwe mu gihe aborozi n’abahawe inka muri gahunda ya Girinka bamaze iki gihe cyose babangamiwe no kurwaza amatungo akabura abayavura, n’ababonye ba veterineri bikabahenda.

Aborozi n’abaturage bahawe inka muri gahunda ya Girinka Munyarwanda bakomeje guhangayikishwa no kutagira abaganga b’amatungo bita ba Veterineri kuko ababafarashaga bahagaritswe n’akarere.

JPEG - 189.3 kb
Kutagira ba veterineri mu karere gikomeje guhangayikisha aborozi, akarere gafite igisubizo

Aba baturage biganjemo aborora inka bavuga ko kugira ngo amatungo yabo avurwe bisigaye bigoranye cyane kubera ko mu gihe cy’amezi atatu bibasaba kujya kuvuriza mu tundi turere.

Bizimana Gerard umwe mu borozi b’inka mu murenge wa Rubavu yagize ati “Amatungo yacu asigaye aremba tukabura uyavura amwe yatangiye gupfa muri uyu murenge. Ikibabaje ni uko higanjemo inka za gahunda ya Girinka nazo zibasiwe n’ibibazo byo kubura abazikurikirana mu buvuzi kandi abazihawe nta bushobozi buhagije bafite nk’ubwatuma bajya gushaka umuvuzi kure.”

Ubuyobozi bw’Akarere ka Rubavu bwemera ko iki kibazo gihari bukavuga ko hari ikirimo gukorwa mu guhangana na cyo nubwo kugera hose bitabashobokera.

Nuwumuremyi Jeanine Umuyobozi w’Ikigo cy’Igihugu cy’Ubuhinzi n’Ubworozi (RAB) mu ntara y’Iburengerazuba avuga ko ikibazo cy’abaveterineri mu karere ka Rubavu kizwi kandi bari mu nzira yo gushaka uko gikemuka vuba hashoboka.

JPEG - 232.4 kb
Abaturage baravuga ko mu mezi atatu nta baveterineri bafite inka zarwaye ndetse harimo n’izapfuye

Aragira ati “Gushaka ba Veterineri biri mu nshingano z’akarere gusa twabonye baratangiye gutanga amatangazo y’ibizamini ku baveterineri bashya bazakora ibizamini, natwe twiteguye kubafasha mu gutegura ibizamini kugira ngo akazi kabone ababikwiriye kandi ni vuba ntabwo bizatinda turasaba aborozi kuba bihanganye ni vuba bikemuka.”

Harelimana Blaise ushinzwe ubuhinzi ubworizi n’umutungo kamere mu karere, yijeje aborozi ko bagiye gukorana na RAB ku buryo mu gihe kitarenze ukwezi abaveterineri bashya bazaba babonetse bari no mu kazi.

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.