Advertisement
 
 
 
 
 
 
 
 

Amakuru | Mu Rwanda

Rubavu: Abasigajwe inyuma n’amateka bisenyeraho inzu bakagurisha imbaho   

  Yanditswe na IYAREMYE YVES
 May 2016

 
 

Bamwe mu basigajwe inyuma n’amateka batuye mu mudugudu wa ‘Vision’ Akagari ka Busigariye mu murenge wa Cyanzarwe, Akarere ka Rubavu bari mu nzu zirangaye kuko bahisemo kugurisha imbaho z’ibyumba n’iz’ibikuta ngo babashe kubona ibibatunga.

Muri uyu mudugudu wubakiwe abasigajwe inyuma n’amateka batishoboye hari inzu zimeze nk’ibiraro by’amatungo kubera ko imbaho zo ku mpande zakuwemo n’abazituyemo bakazigurisha.

Abazituyemo bavuga ko kuba bazituyemo zirangaye ntacyo bibatwaye kuko kuri bo “kurara mu nzu waburaye birutwa no kurara hanze.”

Uretse kuba umuzenguruko w’amwe wa zimwe muri izi nzu waravuyeho n’iyo ugeze mu nzu zabo imbere usanga nta rukuta na rumwe rurimo ahubwo hameze nk’icyumba cy’inama cyangwa sale yo gukiniramo.

Mwitende Nkerabigwi umwe muri aba baturage yagize ati “Inzu twarazubakiwe ariko inzara iratwishe; ubwo rero ubona inzara ikwishe ugakuraho urubaho rumwe wajya kurugurisha bakagura igiceri cy’ijana ukaguramo ikiro cy’ibijumba ubwo waza ugafataho n’urundi rubaho ugacanisha nta kundi twabigenza.”

Abandi bavuga ko gahunda bagenerwa na Leta zitabageraho nk’uko bikwiye bityo bakifuza ko ubuyobozi bwarushaho kubaba hafi ndetse no kubaha ibyo bagenerwe.

Mukankusi Mariyana na we yagize ati “Nta hatu dufite ho guhinga,nta hantu tugira ho gukura inkwi zo gucana mu mashamba yacu… ubwo rero ni ugushakisha byakwanga inzu dufite tugakuraho akabaho kamwe mu gihe twabonye ibyo kurya.”

JPEG - 182.9 kb
Iyo babonye ibyo kurya badafite inkwi barazicana, cyangwa bakazigurisha

Murenzi Janvier Umuyobozi wungirije w’Akarere ka Rubavu ushinzwe ubukungu yavuze ko iki kibazo batari bakizi ariko bagiye kubegera babaganirize barebe ko imyumvire yabo yahinduka.

Yagize ati “Ikibazo kigaragara ni icy’imyumvire yabo ikiri hasi; bisaba kubegera tukabaganiriza tureba ko bahinduka. Ikindi tugiye kureba uburyo ibyo abatishoboye bagenerwa babihabwa ndetse turebe uburyo gahunda za VUP zakwihutishwa.”

Abasigajwe inyuma n’amateka bakuwe muri nyakatsi bagatuzwa mu nzu z’amabati mu karere ka Rubavu bagiye bavugwaho kugira imbogamizi nyinshi aho bamwe bahabwaga inzu bakazivamo kuko bamenyereye kuba muri nyakatsi.

JPEG - 208 kb
Bamwe baba mu nzu zitagira ibyumba kuko bamaze kubicana cyangwa bakabigurisha
 

Comments

 
 
Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.