Advertisement
 
 
 
 
 
 
 
 

Amakuru | Mu Rwanda

Rubavu: Abakoze mu mirima ya RAB bambuwe arenga miliyoni 8   

  Yanditswe na IYAREMYE YVES
 September 2016

 
 

Abaturage 60 bo mu murenge wa Bugeshi bahawe akazi ko gukora mu mirima y’Ikigo cy’Igihugu gishinzwe Ubuhinzi n’ubworozi (RAB) barasaba kwishyurwa amezi agera kuri 5 bamaze barambuwe na Rwiyemezamirimo wahawe isoko n’iki kigo.

Aba baturage bavuga ko mu gihe buri wese ku munsi yabaga yandikiwe amafaranga 900 mu mezi atanu bamaze bakora nyakabyizi ku buryo amafaranga babona uyu rwiyemezamirimo abafitiye arenga miliyoni 8 z’amafaranga y’u Rwanda.

Gasheja Jean umwe muri aba basaza yabwiye Imvaho Nshya ko rwiyemezamirimo witwa Gatsimbanyi ari we wabahaye akazi ariko kutabishyura bikaba byarabadindije mu buzima bwabo n’imiryango yabo.

JPEG - 152.7 kb
Abahora ku murenge baje kwishuza bavuga ko gukorera ubusa byadindije imiryango yabo (Foto Iyaremye Y)

Yagize ati “Dufite imiryango n’abana ubu twabaye twurirwa duhabwa inkwenene kubera kutagira icyo twigezaho kandi tumaze igihe kinini dukora. Ikibazo cya mituweri no kurihira abana amashuri cyatubereye ingorabahizi, twarakoze ariko atwitura inabi none twaramubuze.”

Undi muturage nawe wambuwe avuga ko iyo bagerageje guhamagara rwiyemezamirimo kuri telefoni atabitaba yakumva bivuze agakupa.

Aragira ati “Uyu rwiyemezamirimo yatubwiye ko yitwa Gatsimbanyi yaduhaye nimero ariko iyo duhamagaye twishuza ntabwo atwitaba,ibi bibazo yadusizemo biratujujubije cyane ubu nta jambo tukigira mu miryango yacu,ubukene buratwishe kubw’igihe twataye dukorera utazaduhemba turifuza gutabarwa.”

JPEG - 116.9 kb
Amabaruwa yishyuza Rwiyemezamirimo (Foto Iyaremye Y)

Nuwumuremyi Jeanine Umuyobozi w’ikigo cy’igihugu cy’Ubuhinzi n’ubworozi (RAB) mu ntara y’Uburengerazuba yavuze ko hari icyo batangiye gukora kuri iki kibazo.

Ati “Turimo gushaka uburyo twafatanya na rwiyemezamirimo kugikemura; tugiye kumusaba kuza gukoresha inama abaturage anabereka ko amafaranga yageze kuri konti zabo kandi iki cyumweru kiraba cyakemutse.”

Aba baturage bahora ku murenge bishyuzabakeka ko byibuze hari icyo bafashwa ariko ngo nta cyizere bitanga. Inzego z’ubuhinzi n’ubworozi mu karere zivuga ko iki kibazo zikizi kandi ziteganya kwitabaza izindi nzego mu gukurikirana uyu rwiyemezamirimo mu rwego rwo kurenganura abaturage.

 

Comments

 
 
Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.