2017-08-18 14:28:59 clouds 27o High | Kigali Rwanda

Dukurikire:
 
 

Rubavu: Abakobwa bari hagati 100 na 150 barahohotewe baryumaho

Yanditswe na IMVAHO NSHYA

Kuya 2016-09-07 20:10:05

 
Share on:
 
Yasuwe:1
 
Yavuzweho:200
 
10
 
10

Ubushakashatsi bwakozwe n’ishami ry’Akarere ka Rubavu rishinzwe uburinganire n’iterambere ry’umuryango rigaragaza ko abakobwa biga mu mashuri atandukanye yo mu karere babarirwa hagati ya 100 na 150 bagiye bakorerwa ihohoterwa bamwe bagafatwa ku ngufu kuva uyu mwaka watangira.

Kubera icyo kibazo ubuyobozi bw’umuryango utegamiye kuri Leta Right To Play watangiye ubukangurambaga mu mashuri hagamijwe kurwanya ihohoterwa rishingiye ku gitsina no gutinyura abarikorewe bakabimenyesha inzego zibishinzwe binyuze mu mikino.

JPEG - 277.1 kb
Abanyeshuri b’abakobwa barasabwa kujya batunyuka kuvuga ibyababayeho, ababahohotewe bakurikiranwe mu maguru mashya (Foto Iyaremye Y) (3)

Umuhuzabikorwa wa Right to Play mu karere ka Rubavu Bizimana Adeodatus yemeza ko imibare igaragazwa Akarere ka Rubavu yerekana ko abakobwa bamaze guhura n’ihohoterwa rishingiye ku gitsina wiyongera mu mashuri yisumbuye.

Avuga ko mu guhangana n’ikibazo cy’ihohoterwa rishingiye ku gitsina abanyeshuri n’abana b’abakobwa bakunze guhura naryo bashyizeho gahunda y’imikino ihuza abanyeshuri n’ababigisha kugira ngo abarimu babonereho gusabana no kuganiriza abanyeshuri.

Ati “Abakobwa benshi barahohoterwa ariko ntibagire imbaraga zo kubivuga bakicecekera ari nayo mpamvu usanga bamwe batwara inda zitateganyijwe”

Nyiraguhirwa Jeanne umwe mu banyeshuri biga ku rwunge rw’amashuri rw’Umubano wa I yagize ati “Akenshi duhura n’abasore ndetse n’abagabo bakuze bakadushuka ariko ugasanga dufite isoni ryo kugira uwo tubibwira dutinya ko baduseka; ari nayo mpamvu usanga muri aka karere abakobwa benshi batwara inda zitateguwe.”

Mwangange M. Mediatrice Umuyobozi w’ishami ry’Uburezi mu karere ka Rubavu avuga ko ihohoterwa rikorerwa abakobwa rikigaragara mu karere.

Yagize ati "Mu karere ka Rubavu hamaze kugaragara abanyeshuri b’abakobwa bagenda batwara indi z’indaro zitateganyijwe bigatuma bamwe bava mu ishuri abenshi baba bafashwe ku ngufu bashukishijwe utuntu duto bagashira ubuzima bwabo mu kaga.”

Yakomeje agaragaza ko Igihe cyose umwana w’umukobwa atangiye gukorakorwa, bikagera n’aho bamukoresha imibinano mpuzabitsina idakingiye ari igihombo kuri we, ku babyeyi, ku bamurera ndetse n’igihugu muri rusange.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE