Advertisement
 
 
 
 
 
 
 
 

Amakuru | Mu Rwanda

Rubavu: Abajura 2 bishwe barashwe bashaka guhangana na Polisi   

  Yanditswe na IYAREMYE YVES
 3 months ago

 
 

Abajura babiri mu Karere ka Rubavu, Umurenge wa Gisenyi, Akagali ka Bugoyi, Umudugudu w’Ubutabera bishwe barashwe nyuma yo gushaka guhangana na Polisi y’u Rwanda bifashishije intwaro gakondo bari bitwaje.

Aba bajura uko ari babiri barashwe mu ijoro ryo ku cyuweru rishyira kuri uyu wa mbere ahagana mu masaha ya saa tatu.

Rutayisire Thacien umuyobozi w’Umudugudu w’Ubutabera warasiwemo aba bajura yahamije ko atari bwo bwa mbere hagaragaye ibisambo.

Yagize ati “Mu masaha y’ijoro ni bwo umuzamu urinda ku rusengero yaduhamagaraga atubwira ko hari ibisambo biri kurenza ibintu mu masambu ari aho; kuko bari bitwaje inkoni ziriho imisumari n’ibindi bikoresho bya gakondo, ubwo twiyambaje Polisi iradutabara. Bashatse kuyirwanya ni bwo barashwe,si ubwa mbere bibaho kuko bihora biba.”

JPEG - 304.9 kb
Murenzi Janvier vaganira n’abaturage batuye mu mudugudu w’Ubutabera aharasiwe abajura babir i(Foto Iyaremye Y)

Umuyobozi w’Ingabo mu Karere ka Rubavu Lt Col Richard Mundori yasabye abaturage bo muri uyu mudugudu n’ahandi kwicungira umutekano no gutangira amakuru ku gihe.

Yagize ati “Hano hantu muri uyu murenge hamaze kugaragara ubujura bw’abantu baba bitwaje intaro za gakondo bakiba bakanahungabanya umutekano; bamwe murabazi abandi ni abana banyu, musabwe gutanga amakuru yose yabereye mu mudugudu ahari ibisambo mukaduha amakuru tukabirwanya.”

Umuyobozi w’Akarere ka Rubavu wungirije ushinzwe ubukungu Murenzi Janvier, yemeje ko aba bajura barashwe umwe muribo akaba akomoka mu karere ka Rutsiro undi akomoka mu murenge wa Kanama (Mahoko).

Yakomeje ahamya ko aho aba bajura barasiwe hasanzwe hari indiri yabo bo kuko ari mu gisambu kitabamo abantu kandi ibintu by’ubujura atari ubwa mbere bibaye.

Yemeza ko aho hantu harasiwe abajura hafi y’Urusengero rw’Abametodiste rutari rwuzura bafashe ingamba zo kuhubaka hakarangira vuba kugira ngo abo bajura babure aho bazajya bihisha.

Ati “Twasabye aba nyiri aha hantu ko bagomba kuhubaka kuko hari indiri y’abajura baza guhishamo ibyo bibye, bagiye kuhubakaba inzu yakira bashyitsi ndetse n’amashuri ku buryo aba bajura bazahacika burundu.”

Abaturage bageze abajura barasiwe bavuga ko bahasanze amateleviziyo, za mudasobwa n’ibindi bikoresho byari mu mifuka batabashije kumenya ibyo ari byo.

Muri aka karere hakunze kwibasirwa n’abajura bitwaje intwaro batobora amazu, ndetse bakanatega abantu mu ijoro bakabambura bakanabakubita.

 

Comments

 
 
Gisagara:Abaturage bahamya ko gutwikira ibiyobyabwenge mu ruhame bibasigira isomo
Gisagara:Abaturage bahamya ko gutwikira ibiyobyabwenge mu ruhame bibasigira isomo

Abaturage bo mu murenge wa Ndora mu karere ka Gisagara mu ntara y’Amajyepfo, batangaza ko kuba ubuyobozi bufata umwanya wo kubigisha ku bubi bw’ibiyobyabwenge ndetse bagafatanya kubimena no (...)

  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.