2017-08-22 09:34:31 clouds 27o High | Kigali Rwanda

Dukurikire:
 
 

Rose Mukankomeje yasimbuwe ku buyobozi bwa REMA

Yanditswe na IMVAHO NSHYA

Kuya 2016-09-14 05:24:21

 
Share on:
 
Yasuwe:5
 
Yavuzweho:200
 
10
 
10

Inama y’Abaminisitiri idasanzwe yo ku wa Kabiri ku ya 13 Nzeli 2016, yemeje Colette Ruhamya nk’Umuyobozi Mukuru w’ikigo cy’Igihugu gishinzwe kubungabunga Ibidukikije/REMA.

Ruhamya yasimbuye Dr Rose Mukankomeje ukurikiranweho ibyaha birimo ubufatanyacyaha mu kumena ibanga ry’akazi.

Muri Mata urukiko rwategetse ko akurikiranwa ari hanze mbere y’uko urubanza rwe ruburanishwa mu mizi.

JPEG - 65.7 kb
Dr. Mukankomeje n’Umwunganizi we Mudahemuka Tharcisse

Biteganyijwe ko azatangira kuburanishwa mu mizi ku ya 27 Nzeli 2016.
Colette Ruhamya wamusimbuye yari asanzwe ari Umuyobozi Mukuru wa REMA w’agateganyo.

JPEG - 288.3 kb
Umuyobozi mukuru mushya wa REMA, Colette Ruhamya

Mukankomeje yatawe muri yombi muri Werurwe hagendewe ku kiganiro yagiranye kuri telefoni na Bisamaza Prudence wakorwagaho iperereza ku byaha bya ruswa no gushaka gufunguza abayobozi b’Akarere ka Rutsiro.

Ashinjwa ibyaha bitatu birimo ubufatanyacyaha mu kumena ibanga ry’akazi, kuba gatozi mu gusibanganya ibimenyetso no kuba gatozi mu gusebya inzego za leta.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE