2017-06-28 15:02:12 clouds 27o High | Kigali Rwanda

Dukurikire:
 
 

Remera: 15 bakurikiranweho ingengabitekerezo ya Jenoside

Yanditswe na

Kuya 2016-06-20 04:35:11

 
Share on:
 
Yasuwe:5
 
Yavuzweho:200
 
10
 
10

Muri iyi minsi 100 yo Kwibuka Jenoside yakorewe Abatutsi mu 1994, mu murenge wa Remera, akarere ka Gasabo mu mujyi wa Kigali hagaragayemo amadosiye y’abantu 15 bakekwaho ibyaha by’ingengabitekerezo ya Jenoside.

Umuyobozi wa Polisi mu Murenge wa Remera IP Gaspard Gahamanyi yavuze ko amadosiye 12 muri ayo 15 polisi yayashyikirije parike ba nyirayo bakaba bafunze.

IP Gahamanyi yabivugiye mu kigo cy’ishuri rya Remera Catholique, ubwo iryo shuri ryibukaga bwa mbere Jenoside yakorewe Abatutsi mu Rwanda no kuremera umwe mu barokotse Jenoside utishoboye.

Yagize ati “Nk’ubu mu kwezi kwa kane n’ukwa gatanu twahuye n’amadosiye y’ingengabitekerezo agera kuri 15. Burya rero abantu bafite ingengabitekerezo ihora ibarya ntibashobora kubana na yo burundu, muri ayo madosiye yose 12 muri yo twayagejeje imbere ya Parike kandi na ba nyirayo barafunze.”

JPEG - 337.4 kb
Abana biga muri Remera Catholique bafatanyije n’abarezi babo kwibuka

Ni ku nshuro ya mbere, ishuri ribanza cya Remera Catholique ryibutse abari abanyeshuri ndetse n’abarezi bacyo bazize Jenoside yakorewe Abatutsi muri Mata 1994 bahigaga n’abahigishije.

Umuyobozi wa Ibuka ku rwego rw’Umurenge wa Remera, Karamba Emmanuel, yagaye Abanyarwanda bemeye kumva inyigisho z’abazungu kuko zabigishije kwicana nabo bakabifata, aho yavuze ko Abanyarwanda babaze nabi.

Ati ”Abazungu batwigishije amacakubiri, icyo gihe dukwiriye ukwigaya kuko twari abaswa ubundi nta muntu wigisha amacakubiri ngo abantu bayafate bayashyire mu bikorwa ngo tuvuge ko ari abahanga.”

Ubuyobozi bwa Remera Catholique bwo butangaza ko ishuri rigomba kugira iki gikorwa ngarukamwaka ndetse hakanashyirwaho itariki abantu bose bakajya baza kwibuka.

Ingaruka za jenoside ntawe zitagezeho

Umuyobozi w’ishuri Mujawamariya Odette yasabye abarezi n’abandi baturage kwirinda ingengabitekerezo ya Jenoside kuko ingaruka zayo zageze kuri buri munyarwanda yaba uwayikoze, uwayikorewe n’utarayikoze.

Yagize ati “Abafite ingengabitekerezo ubutumwa nabaha ni uko bashaka uburyo bayirinda kuko twabonye ingaruka yayo ari abayikoze n’abayikorewe bose bahuye n’ingaruka ya Jenoside, abahembera ingengabitekerezo ya Jenoside rero nta kindi bashaka uretse gusenya.”.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE