Advertisement
 
 
 
 
 
 
 
 

Amakuru | Mu Rwanda

REB yariye iminwa ibajijwe irengero rya miliyoni 50   

  Yanditswe na TWAGIRA WILSON
 5 months ago

 
 

Abayobozi b‘Ikigo cy’igihugu gishinzwe guteza imbere uburezi, mu Rwanda (REB) bitabye Komisiyo y’inteko ishinzwe gucunga imari n’umutungo bya Leta (PAC), ntibabasha gutanga ibisobanuro ku ku irengero ry’amafaranga asaga miliyoni 50 yashyizwe mu ideni kandi yarishyuwe.

Raporo y’Umugenzuzi mukuru w’imari ya Leta y’umwaka wa 2015/2016 yagaragaje ko REB yerekanye ko igifitiye rwiyemezamirimo wayihaye ibikoresho byifashishwa mu kwigisha siyansi, CIMACO, umwenda w’amafaranga y’u Rwanda ungana na miliyoni 50 ariko atari afite aho yanditse.

JPEG - 56.5 kb
Gasana Janvier uyobora REB ari imbere ya PAC

Ubuyobozi bwa REB bwavuze ko ayo mafaranga ari mu yo bwari busigaje kwishyura rwiyemezamirimo ariko bavuga ko bibagiwe kuyandika.

Abadepite muri PAC babajije REB icyari kigamijwe ndetse ntibiyumvisha uburyo mu icungamutungo umuyobozi ashobora kwibagirwa.

Perezida wa PAC, Juvenal Nkusi yabajije abayobozi ba REB ati “Mu icungamutungo uzi kwibagirwa icyo ari cyo?”

Raporo y’Umugenzuzi mukuru w’imari ya Leta, igaragaza ko hari andi mafaranga agera kuri miliyoni 268 asaga ku yo REB yagombaga kwishyura ba rwiyemezamirimo batandukanye.

Hari umwe muri ba rwiyemezamirimo wasabye REB ko idakwiye [kumwifashisha mu kwiba], biganisha ku kuba baranditse amafaranga arenze ayo bamurimo.

Umuyobozi Mukuru wa REB, Gasana Janvier yemeye amakosa yakozwe ariko abwira PAC, ko bagiye kwisubiraho bakabikosora.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.