2017-10-22 09:16:35 clouds 27o High | Kigali Rwanda

Dukurikire:
 
 

RDF yasezeye ku bofisiye 775 barimo abajenerali bagiye mu kiruhuko cy’izabukuru

Yanditswe na IMVAHO NSHYA

Kuya 2016-07-12 12:17:13

 
Share on:
 
Yasuwe:49
 
Yavuzweho:200
 
10
 
10

Minisitiri w’Ingabo z’u Rwanda, Gen. James Kabarebe yasezeye ku bofisiye 775 bagiye mu kiruhuko cy’izabukuru mu birori byabaye ku wa 11 Nyakanga 2016.

Ibyo birori byabereye mu isangira ry’abofisiye bakuru ku Kimihurura, byari byitabiriwe n’abayobozi bakuru b’ingabo z’u Rwanda, abajenerali n’abofisiye bakuru n’abafasha b’abagiye mu kiruhuko cy’izabukuru.

Mu ijambo Gen. Kabarebe yabagejejeho, yashimiye abagiye mu kiruhuko ku ruhare bagize mu kubohora u Rwanda no guhagarika Jenoside yakorewe Abatutsi.

Ati “Mu izina ry’Umugaba w’Ikirenga reka nshimire abagiye mu kiruhuko uyu munsi bitanze batizigama mu rugamba rwo kwibohora no guteza imbere igihugu cyacu.”

Yongeye ati” Mwese hari ibyo mwigomwe ngo mutange umusanzu wanyu muhindure u Rwanda igihugu twishimira kwita ‘iwacu’.”

Yabasabye gukoresha ubunararibonye bafite bafasha igihugu mu mirimo bagiye gukora hanze.

Lt Gen Caesar Kayizari wavuze mu izina ry’abagiye mu kiruhuko yashimye ubuyobozi bwa RDF, by’umwihariko umugaba w’ikirenga wayo, Perezida Paul Kagame.

Ati” Twagendanye urugendo rurerure ariko rufite akamaro, twarwanye nk’itsinda, dufitanye ibihango bikomeye na RDF byatwubatse, aho tugiye hose ntituzabatenguha.”

Abasirikare bakuru bagiye mu kiruhuko cy’izabukuru ni Lt General Caesar Kayizari;Maj Gen Sam Kaka; Maj Gen Frank Mugambage; Maj Gen Paul Rwarakabije na Brig Gen George Rwigamba.

Ni ku nshuro ya Kane igisirikare cy’u Rwanda gisezereye ingabo zigiye mu kiruhuko cy’izabukuru kuva mu 2013.

Muri uyu mwaka, 371 bagiye mu kiruhuko cy’izabukuru, 353 barangiza amasezerano bari bafitanye na RDF naho 51 basezererwa kubera uburwayi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE