Advertisement
 
 
 
 
 
 
 
 

Amakuru | Mu Rwanda

RAB yatewe inkunga ya miliyoni 600 ibura umusoro wo kuyibikuza   

  Yanditswe na MUTUNGIREHE SAMUEL
 June 2016

 
 

Ikigo cy’igihugu cy’Ubuhinzi RAB cyatewe inkunga ya miliyoni zisaga 600 zo guhugura abafashamyumvire mu buhinzi ku rwego rw’igihugu kimara amezi arenga atatu cyarabuze imisoro yo kuyatanga mu gihe abo agenewe bayategereje kugeza n’ubu amaso yaheze mu kirere.

Ahagana muri Nzeri 2015 Ikigo cy’igihugu cyo guteza imbere ubuhinzi (RAB) cyahaye isoko uturere 30 ryo guhugura amakoperative y’abafashamyumvire; hagombaga guhugura amatsinda abiri mu byiciro bibiri bakarushaho gukora ubuhinzi bujyanye n’igihe bugamije kongera umusaruro.

Muri ayo masezerano yanditse, abafashamyumvire 2500 mu gihugu bose bemerewe amafaranga y’icyiciro cya mbere n’icya kabiri ariko nk’uko babivuga kugeza ubu amezi arenze atanu bizezwa amafaranga bagaheba.

JPEG - 1.3 Mb
Abafashamyumvire bahuguriwe gufasha amatsinda y’abahinzi kongera umusaruro (Foto James R)

Ikiyobera abo bafashamyumvire n’abayobozi babo mu mirenge itandukanye mu gihugu nk’uko babibwiye Imvaho Nshya, ni uko umuterankunga w’Umubiligi wafashaga ikigo RAB kubahugura yasize yishyuye amafaranga bari guhabwa ariko bagategereza ko abageraho bagaheba.

Urimubenshi Jean ati “Icyabayeho ni uko bakomeje kuduhugura bakajya banatugenzura, bakadukorera amaraporo, twebwe tukumva bahora batubwira ngo amafaranga azaza, batanga amatariki bikagenda bihinduka, bihinduka na n’ubu!”

Abo bafashamyumvire bavuga ubuyobozi bwo ku rwego rwa koperative zabo mu turere bubabwira ko amakuru abageraho ari uko amafaranga yabo yajyanywe muri Banki Nkuru y’Igihugu (BNR) bakibaza impamvu amafaranga atabageraho.
Ushinzwe amakoperative mu kigo RAB Higiro Joseph yabwiye Imvaho Nshya ko igisubizo gihagije kuri icyo kibazo cyatangwa n’abo ku rwego rw’uturere kuko bamaze kugihabwa.

Umwe muri bo mu karere ka Nyanza ahari abagera kuri 80 bahuguwe, Bisangwabagabo Jean Baptiste kuri uyu wa Mbere yabwiye Imvaho Nshya ko igisubizo baheruka guhabwa n’Umuyobozi Mukuru wa RAB, Butare Louis, cyabatunguye.

Yagize ati “Batubwiye ko amafaranga yabujijwe kwishyurwa kuko nta musoro wa Leta. Icyo ngo ni cyo bari bacyumvikana n’umuterankunga; kuko umuyobozi wa RAB yatubwiraga ko bari bakoze sheke bazigejeje muri BNR igahagarikwa n’uko nta musoro.”

Yongeraho kandi ko ikigo RAB cyahawe amafaranga n’umuterankunga uko yateganyijwe, kigasabwa gushaka imisoro y’ayo mafaranga mu gihe cyo gishaka ko umuterankunga yongera agatanga n’imisoro y’iyo nkunga.

Abahagarariye abafashamyumvire mu turere 30 bavuga ko mu gihe byarenga ku wa 15 Kamena batarahabwa igisubizo gifatika bazitabaza ubundi bufasha ikibazo kigashakirwa umuti.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.