Advertisement
 
 
 
 
 
 
 
 

Amakuru | Mu Rwanda

Polisi yo mu karere yahagurukiye iterabwoba   

  Yanditswe na MUTUNGIREHE SAMUEL
 June 2016

 
 

Abapolisi bakuru mu bihugu 10 by’Afurika y’Uburasirazuba bahagurukiye kongera gushaka uko bahangana n’iterabwoba ririmo kwiganza mu karere.

Ni mu nama yabaye ku wa Kane tariki ya 23 Kanama 2016 i Kigali.yahuje abayobozi ba polisi muri ibyo bihugu n’abarangije amasomo mu ishuri rikuru rya Polisi mu kiciro cya gatatu babereka ubumenyi buba hanze y’amasomo bamazemo umwaka.

Atangiza iyi nama, Minisitiri w’Umutekano Sheikh Harerimana Musa Fasil yatangaje ko guhangana n’ibituma amahoro, umutekano n’ubutabera bibura mu karere, binyura mu gusangira ubunanaribonye hagati y’abarangije amasomo, abashyiraho amabwiriza kimwe n’abandi bayobozi badahwema guhangana n’ibihungabanya akarere.

Ati “Umutekano mu karere kacu urimo kurangwa n’ibitero by’iterabwoba n’ibindi byaha byambukiranya imipaka bigira ingaruka ku mutekano wa buri gihugu ukwacyo.

JPEG - 244 kb
Abayobozi bakuru muri polisi mu karere n’abarangije amasomo mu cyiciro cya gatatu cya Kaminuza mu Rwanda

Ni yo mpamvu kugira ngo turwane nabyo bisaba abapolisi bakuru nka mwe guhora mwiteguye n’ubuhanga bwose busabwa mu kugarura umutekano w’igihugu, akarere kimwe n’uw’isi muri rusange.”

Umuyobozi w’ishuri rya Polisi mu Rwanda, CP Namuhoranye Felix, yatangaje ko iyo nama igamije kwereka abarangije amasomo uko polisi igendana n’ibihe uko bihinduka.

Ati “Icyerekezo cy’uyu mwaka kuri iyi nama kijyanye n’uburyo ibintu bigenda bihinduka cyane cyane ku bijyanye n’umutekano aho ibyaha bidasanzwe bigenda bihinduka.”

Yongeraho ko iterabwoba ari kimwe mu bigomba gutuma polisi ihorana ubumenyi bwo guhangana naryo uko rihindura isura.

Ati “Hari iterabwoba ryahinduye isura, uburyo dukoreramo bugenda buhindura isura noneho natwe tugomba guhangana n’ibyo byaha, uko tugomba kurinda umutekano dufatanyije n’abandi tugakora uko dushoboye kugira ngo tujye imbere y’abanyabyaha, abangiriza umutekano tubasige.”

Ikoranabuhanga rigezweho ni kimwe mu byifashishwa n’abakora ibyaha by’iterabwoba ku isi bikaba ari bimwe mu byo abacunga umutekano bavuga bashyize imbere mu kwirinda ko abakora ibyo bikorwa badasiga ababakumira.

Umuyobozi Mukuru muri polisi ya Kenya SSP Muthamia Samuel yatangaje ko amasomo yabonye yamweretse uko bahangana n’ibibazo byo mu baturanyi nk’ibitero bikunze guturuka mu gihugu baturanye cya Somalia.

Abarangije amasomo mu cyiciro cya gatatu cya kaminuza mu gipolisi uko ari 31 baturuka mu bihugu nk’u Rwanda, Burundi, Kenya, Ethiopia, Tanzania, Uganda, Zambia, Namibia, Gambia na Sudani y’Epfo.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.