Advertisement
 
 
 
 
 
 
 
 

Amakuru | Mu Rwanda

Polisi y’u Rwanda yatabaye abantu 28 bari bagiye gucuruzwa muri Australia   

  Yanditswe na MUTUNGIREHE SAMUEL
 September 2016

 
 

Polisi y’u Rwanda yerekanye abantu 19 muri 28 bari babeshywe ko bazajyanwa gutura mu gihugu cya Australia bagatanga utwabo ariko bakaza kwandavurira mu Burundi..

Ubuyobozi bwa Polisi buvuga ko benshi muri bo bahuriraga mu masengesho bakunze kwita ‘ubutayu’ i Masoro cyane cyane mu idini rya Restoration Church.

Aho niho bamwe mu bapasiteri n’abiyita abavugabutumwa bababwiriraga ko hari ikintu kiri gutegurwa kirimo amahirwe yo kujyanwa muri Australia ariko ko bagomba kuzajya gufatira Visa mu Burundi.

Ngo buri umwe yagendaga ukwe, hakaba n’abasize bagurishije imitungo yabo yose, bageze mu Burundi baracumbika ndetse bamwe baba mu mahoteli.

JPEG - 251.3 kb
Mu bari bagiye gucuruzwa harimo n’abana

Polisi ivuga ko bakomeje kuvugana n’abababwiye ko bari kubakurikiranira dosiye ariko barababura, bikagera aho amafaranga y’impamba bari bitwaje abashirana.

Aha niho buri wese muri bo yabonaga atangiye kwicwa n’inzara agafata umwanzuro wo kugaruka mu Rwanda , yagera ku mupaka agatekerereza abakozi bashinzwe abinjira n’abasohoka ibyamubayeho.

Urwego rushinzwe abinjira n’abasohoka nirwo rwitabaje polisi kugira ngo aba bantu babone ubufasha bw’ibanze ndetse n’abo batekamutwe bakurikiranwe.

Abo bantu bavuga ko umuntu mukuru yacibwaga miliyoni kugira ngo dosiye igende neza uwaciwe make akaba ibihumbi magana atanu, abana bo ntibishyuzwe.

Kugeza ubu polisi ntirafata abo batekamitwe bari bagiye kubacuruza, naho abari bashutswe nta cyaha bakurikiranwaho, basubijwe mu miryango yabo.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.