Advertisement
 
 
 
 
 
 
 
 

Amakuru | Mu Rwanda

Polisi y’u Rwanda yafatiye mu cyuho abapolisi babiri bakira ruswa   

  Yanditswe na NIYONSENGA SCHADRACK
 April 2016

 
 

Polisi y’u Rwanda ikurikiranye PC. Ntirenganya Jean de Dieu na PC Kayitare Jean Bosco bafashwe bakira ruswa kandi ari abapolisi bakabaye barwanya iki cyaha.

Aba babiri bafashwe ni abapolisi bo ku rwego rwo hasi muri polisi, bafashwe n’urwego rushinzwe kurwanya ruswa muri polisi y’u Rwanda ahagana saa munani z’ijoro ubwo babasangaga bari kwakira amafaranga ku muhanda bituma babasaka mu myenda umwe bamusangana andi mafaranga agera ku bihumbi 20.

Umuvugizi wa polisi y’u Rwanda ACP, Twahirwa Celestin yabwiye abanyamakuru ko bibabaje kubona abakabaye barwanya ruswa ari bo baza imbere mu kuyakira ariko ko nta mbabazi cyangwa kwihanganira umupolisi ufatiwe muri iki cyaha agirirwa (zero tolerance).
Yagize ati “Babafatiye mu cyuho, polisi rero nk’urwego rushinzwe kurwanya ruswa ni ibintu duha agaciro cyane. Baragezwa mu bushinjacyaha bahabwe ibihano bijyanye n’icyaha bakoze kandi icyaha nikibahama barahita banirukanwa muri polisi kuko umuntu wagize umuco nk’uwo wo kwanduza isura y’ikigo ntabwo ashobora kuguma mu kazi. Ubunyangamugayo bwabo bwarangiye”

ACP Twahirwa atangaza ko mu gihe cy’imyaka itatu ishize imaze gufatira abapolisi barenga ijana mu cyaha cya ruswa bose ubu bakaba barirukanwe.

JPEG - 149.8 kb
Umuvugizi wa Polisi y’u Rwanda, ACP Celestin Twahirwa

Umuvugizi wa Polisi akomeza avuga ko abapolisi bakwiye kwibuka ibyo baba baratojwe bakagaruka ku kinyamwuga bakirinda gukora ibyaha ibyo ari byo byose

Icyegeranyo cya Transparency International Rwanda cyari giherutse kugaragaza ruswa muri polisi y’u Rwanda cyane cyane ishami rishinzwe umutekano wo mu muhanda.

 

Comments

 
 
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Kicukiro: Barashimira uwaberegereje isomero mu mudugudu
Kicukiro: Barashimira uwaberegereje isomero mu mudugudu

Abaturage bo mu mudugudu wa Rugari, akagari ka Gatenga, umurenge wa Gatenga mu karere ka Kicukiro, barashimira umufatanyabikorwa Mudacumura Fiston waberegeje isomero mu mudugudu wabo. Ubwo (...)

Polisi y’u Rwanda yashyikirije Uganda ibinyabiziga byibwe
Polisi y’u Rwanda yashyikirije Uganda ibinyabiziga byibwe

Polisi y’ u Rwanda ku bufatanye na polisi mpuzamahanga (Interpol) kuri uyu wa 24 Mutarama 2017, yashyikirije Leta ya Uganda imodoka n’ipikipiki byibwe bigafatirwa ku mipaka y’u Rwanda mu bihe (...)

USAID yahaye ibikoresho abanyeshuri basaga 55 000
USAID yahaye ibikoresho abanyeshuri basaga 55 000

Abanyeshuri 51 545 bo mu turere dutandukanye two mu Rwanda bahawe ibikoresho bizabafasha mu masomo binyuze muri gahunda ya Twiyubke yatewe inkunga n’Ishami rya USA rishinzwe iterambere (...)

Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.