2017-10-20 08:47:26 clouds 27o High | Kigali Rwanda

Dukurikire:
 
 

Polisi y’u Rwanda ishyigikiye gukuraho imyambaro y’abayisiramukazi ihisha isura (Niqab)

Yanditswe na IMVAHO NSHYA

Kuya 2016-07-09 04:40:58

 
Share on:
 
Yasuwe:2
 
Yavuzweho:200
 
10
 
10

Nyuma yaho ubuyobozi bw’idini ya Islam mu Rwanda (RMC) bufashe icyemezo cyo gukuraho umwambaro wa Niqab uhisha umubiri wose ndetse n’amasura y’abayisilamukazi, Polisi y’igihugu yishimiye iki cyemezo cyafashwe n’ubuyobozi bw’idini ya Islam itangaza ko ari bumwe mu buryo bwo gukaza umutekano.

Icyi cyemezo cyo gukuraho uyu mwambaro wa Niqab wambarwa n’igitsina gore cyafashwe mu nama y’ubuyobozi bw’umuryango mugali w’idini ya Islam, isanzwe yitwa Fatuwa yabaye ku italiki ya 14 Gicurasi 2016.

Ibi kandi bije bikurikira raporo yatanzwe n’umuryango w’abayisilamu mu Rwanda birebana n’uyu mwambaro wa Niqab ushobora kuba intandaro y’umutekano muke ku mipaka cyangwa mu gihugu imbere.

JPEG - 78.8 kb
Imyambaro ya Niqab yaciwe mu Rwanda

Umuvugizi wa Polisi y’igihugu Assistant Commissioner of Police (ACP) Celestin Twahirwa yagize icyo atangaza kuri cyino cyemezo cyafashwe n’umuryango w’idini ya Islam mu Rwanda.

ACP C Twahirwa yagize ati”Polisi y’igihugu ishyigikiye icyemezo cyose cyafatwa n’inzego zaba iz’amadini cyangwa izigenga mu rwego rwo gufatanya n’inzego zibishinzwe gukomeza umutekano”

ACP C Twahirwa yongeyeho kandi ko inzego z’amadini by’umwihariko umuryango wa Islam muri rusange ari bamwe mu bafatanyabikorwa mu gucunga umutekano w’igihugu, avuga ko imyemerere gakondo basanga yahungabanya umutekano hagafatwa ibyemezo byo kuyikuraho ko ntakabuza polisi y’igihugu izakomeza gushyira hamwe mu rwego rwo kwicungira umutekano.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE