Advertisement
 
 
 
 
 
 
 
 

Amakuru | Mu Rwanda

Perezida wa Benin yasuye agace kahariwe inganda mu mujyi wa Kigali   

  Yanditswe na IMVAHO NSHYA
 4 months ago

 
 

Umukuru w’igihugu cya Benin, Patrice Talon uri mu ruzinduko rw’iminsi itatu mu Rwanda, kuri uyu wa 30 Kanama 2016 yasuye agace kahariwe inganda kari i Masoro mu karere ka Gasabo, umujyi wa Kigali.

Talon kandi uyu munsi yagiranye ibiganiro byihariye na Perezida w’u Rwanda Paul Kagame, ibyo biganiro byibanze ku bufatanye bw’ibihugu byombi.

Bimwe mu byo Benin n’u Rwanda biteganya gufatanya ni ishoramari n’ubucuruzi. Ibi byatumye Perezida agirana ibiganiro n’Ikigo cy’igihugu cy’Iterambere, RDB, aho abayobozi b’ibihugu byombi bunguranye ibitekerezo ku nzego z’ishoramari zashyirwamo ingufu.



Ubwo yasuraga agace kahariwe inganda, Perezida Talon yasobanuriwe imikorere ya zimwe mu nganda, zirimo urukora imyenda rw’Abashinwa, C&H, urukora mudasobwa, Positivo BGH, Pharmalab, n’urukora amatara, Sahasra.



Ku mugoroba wo ku wa Mbere, Perezida Patrice Talon umaze amezi ane ayobora Benin, yavuze ko batewe ishema n’ubuyobozi bw’u Rwanda. Yavuze ko mu myaka ishize u Rwanda rwari ruzwi kubera Jenoside yakorewe Abatutsi none ubu rukaba ruzwi kubera imiyoborere myiza.

Yabwiye Perezida Kagame ati” Ndagusuhuje mu cyubahiro n’ishema udutera twese Abanyafurika. Iki gihugu cyanyeretse ko iyo ufite ubushake ushobora gukora ibyo abandi batabashije kugeraho.”



Yongeyeho ko Abanyafurika batavumwe nk’uko bamwe babifata, ndetse ko u Rwanda ari ikimenyetso gifatika ko batavumwe.







Amafoto: @RDBrwanda

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Babiri bafunzwe bakekwaho guha ruswa abayobozi b’inzego z’ibanze
Babiri bafunzwe bakekwaho guha ruswa abayobozi b’inzego z’ibanze

Polisi y’u Rwanda mu turere twa Nyarugenge na Nyamasheke ifunze abagabo babibi bakekwaho kugerageza guha ruswa abayobozi b’inzego z’ibanze kugira ngo babakorere ibinyuranije n’amategeko. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.