2017-06-24 12:54:56 clouds 27o High | Kigali Rwanda

Dukurikire:
 
 

Perezida w’Inteko y’u Bushinwa yasuye u Rwanda

Yanditswe na IMVAHO NSHYA

Kuya 2016-03-22 16:08:24

 
Share on:
 
Yasuwe:3
 
Yavuzweho:200
 
10
 
10

Perezida w’Inteko Ishinga Amategeko y’u Bushinwa, Zhang Dejiang, yashimangiye ko umubano igihugu cye gifitanye n’u Rwanda atari uw’ubu, ahamya ko bazakomeza kuwushimangira mu nzego zitandukanye harimo n’urw’uburezi.

Zhang Dejiang yagaragaje ko yishimiye uburambe bw’umubano w’u Bushinwa n’u Rwanda ku wa kabiri tariki 22 Gashyantare, ubwo yasuraga Inteko Ishinga Amategeko y’u Rwanda akagirana ibiganiro na Perezidante w’Umutwe w’Abadepite, Donatille Mukabarisa.

Mu kiganiro n’abanyamakuru, Mukabarisa yavuze ko uruzinduko rwa Zhang n’intumwa ayoboye hari icyo rusobanuye ku mubano utajegajega hagati y’u Rwanda n’u Bushinwa cyane ko ari cyo gihugu cya mbere asuye muri Afurika kuva yatorerwa kuyobora Inteko y’igihugu cye.

Mukabarisa yagize ati “Uruzinduko mu Rwanda ni amahirwe akomeye cyane ko bashimye intambwe u Rwanda rugezeho nyuma yimyaka isaga 21 rwiyubaka. Yatubwiye ko mu Bushinwa nabo bavuye kure kuko bari abakene baza kuzamurwa no guhaguruka bagakora nk’uko Abanyarwanda babikoze.”

Umubano wa dipolomasi y’u Rwanda n’u Bushinwa ugiye kumara imyaka 45 kuko watangiye tariki 12 Ugushyingo 1971. Hagati y’umwaka wa 2000 kugeza muri 2011, imishinga y’ubukungu 56 y’iki gihugu yakorewe mu Rwanda ndetse igira uruhare mu guhindura ubuzima bw’abaturage.

Iyi mishinga yiyongera ku nguzanyo y’asaga miliyari 121 z’amafaranga y’u Rwanda (miliyoni 160 z’amadolari y’Amerika) yahagaritswe mu 2007, inkunga yakoreshejwe mu kubaka uruganda rwa CIMERWA mu 2009, n’indi nkunga yatangiwe gufasha guhuza imihanda y’Umujyi wa Kigali.

Uruzinduko rwa Zhang n’izindi ntumwa rubaye mu gihe u Bushinwa burimo kubaka umuturirwa mu murenge wa Kimihurura Umujyi wa Kigali. Mukabarisa yakomeje ashimira iyi inkunga ivuze byinshi ku mubano w’ibihugu byombi cyane ko yitezweho gucumbikira Minisiteri esheshatu.

Mbere yo gusoza uruzinduko, biteganyijwe ko baza gushyira ibuye ry’ifatizo ahazubakwa iyo nzu, nyuma bakakirwa na Perezida Paul Kagame hamwe na Perezida wa Sena Bernard Makuza.


Amafoto: Kabandana Maurice

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE