2017-05-27 10:19:18 clouds 27o High | Kigali Rwanda

Dukurikire:
 
 

Perezida Paul Kagame yifurije Fidel Castro iruhuko ridashira

Yanditswe na Claude Ntawitonda

Kuya 2016-11-27 07:25:04

 
Share on:
 
Yasuwe:4
 
Yavuzweho:200
 
10
 
10

Perezida Paul Kagame yifurije iruhuko ridashira Fidel Alejandro Castro Ruz wayoboye Cuba akaba yatabarutse kuri uyu wa Gatanu tariki ya 26 Ugushyingo 2016.

Mu butumwa yacishije ku rukuta rwe rwa twitter, Perezida Kagame kandi yagarutse ku bigwi bya Fidele Castro nk’Umuyobozi wari n’indwanyi ikomeye cyane yaharaniye ukwishyira ukizana kw’abaturage ba Cuba.

Yagize ati “Uruhukire mu mahoro Fodele Castro, Indwanyi indacika intege yabayeho ubuzima bwose iharanira kwishyira ukizana, kandi ndihanganisha abaturage ba Cuba bahorana umuramva mu guharanira kwigira.”

ABaturage bo muri Cuba batabgiye icyunamo cy'iminsi icyenda kuri iki cyumweru

Fidele Castro wahoze ari Umuyobozi w’impinduka ya gikomunisiti yabaye mu gice cya kabiri cy’ikinyejana gishize yapfuye afite imyaka 90.

Amakuru yatangajwe na televiziyo y’igihugu ya Cuba akemezwa na BBC avuga ko Perezida w’icyo gihugu Raul Castro ari we ubwe watangaje iby’urupfu rwe ariko ntiyasobanura icyamwishe.

Yayoboye Cuba mu gihe gikabakaba imyaka 50 kugeza ahaye ububasha bwe umuvandimwe Raul mu 2008.

BBC yatangaje ko kuri iki cyumweru abaturage batangiye icyunamo cy’iminsi icyenda mu gihe abayobozi batandukanye ku isi bakomeje kubihanganisha no kwifuriza iruhuko ridashira uyu muyobozi wagiye ku butegetsi guhera mu 1959.

Fidele Castro afite ibigwi bitavugwaho rumwe hagati ya Amerika n'ibindi bihugu ku Isi

Umubiri wa Fidele Castro ngo wagombaga gutwikwa mu muhango wihariye wabereye i Havana ku wa gatandatu.

Abenshi mu bayobozi ku Isi bababajwe n’urupfu rwa Castro mu gihe Perezida mushya wa Leta Zunze Ubumwe za Amerika Donald Trump aheruka kumwita Umunyagitugu uhubuka, cyane ko atigeze yumvikana n’iki gihugu aho yagiriye ku buyobozi.

Abakuru b’ibihugu by’ibihangange nk’u Burusiya (Vladmiri Putin wavuze ko yari inshuti nziza akaba n’umwizerwa), u Bushinwa (Xi Jinping wavuze ko abuze umuvandimwe nyawe) n’abandi.

Amatariki y’ingenzi ku buzima bwa Castro

1926: Yavukiye mu Majyepfo y’Uburasirazuba bwa Cuba, mu Ntara ya Oriente
1953: Yarafunzwe nyuma yo kuyobozora igitero kigamije guhirika ubutegetsi bwa Perezida Fulgencio Batista cyaje gupfuba
1955: Yarafunguwe ku bw’imbabazi za Leta
1956: We na Che Guevara batangije uduteroshuma kuri guverinoma
1959: Yatsinze Perezida Batista, arahira nka Minisitiri w’Intebe wa Cuba
1961: Yarwanyije atsinda ingabo ziswe Bay of Pigs zisuganyirije kumurwanya zibifashijwemo na CIA

JPEG - 369.2 kb
Bay of Pigs ni ingabo zisuganyirije mu buhungiro zigatera Guverinaoma ya Fidele Castro

 1962: Yumvikanye n’Ihuriro ry’ibihugu bigendera ku matwara ya Gisosiyalisiti (USSR) ku kuzana ibisasu bya kirimbuzi muri Cuba
1976: Inteko Ishinga Amategeko yamutoreye kuba Perezida wa Cuba,
1992: Yasinyanye amasezerano na Amerika arebana n’impunzi z’Abanya-Cuba.
2006: Ibibazo by’ubuzima byatumye aha ubutegetsi murumuna we Raul ava ku butegetsi burundu nyuma y’imyaka ibiri.

JPEG - 94.9 kb
Fidele Castro ari kumwe na Cheguevara
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE