Advertisement
 
 
 
 
 
 
 
 

Amakuru | Mu Rwanda

Perezida Kagame yujuje imyaka 59 y’amavuko   

  Yanditswe na NTAWITONDA JEAN CLAUDE
 2 months ago

 
 

Kuri iki cyumweru tariki 23 Ukwakira 2016, Perezida Paul Kagame yizihije isabukuru y’imyaka 59 y’amavuko, abenshi mu banyarwanda bakaba bavuga imyato amahoro n’ibikorwa by’iterambere babikesha ubwitange yagize mu kubohora igihugu no kugikura mu icuraburindi rya Jenoside.

Perezida Kagame yavukiye i Nyarutovu mu yahoze ari Komini Tambwe, Perefegitura ya Gitarama kuri iyi tariki mu mwaka wa 1957; ubu ni mu Karere ka Ruhango mu Ntara y’Amajyepfo.

Kuri ubu Abanyarwanda benshi baramwifuriza isabukuru ari na ko bishimira iterambere, ubuzima bwiza, amahoro, umutekano, ubumwe n’ubwiyunge n’ibindi byinshi bagezeho nyuma y’uruhare rukomeye yagize mu kubohora u Rwanda no guhagarika Jenoside yakorewe Abatutsi mu 1994.

Bishimira ko uretse kubohora u Rwanda Perezida Kagame yatanze urugero rufatika mu Rwanda, muri Afurika no ku Isi mu bijyanye n’imiyoborere ishyira imbere demokarasi n’inyungu z’abaturage. Ibi byatumye buri mwaka ajya atanga amasomo anyuranye muri kaminuza zikomeye hafi ya buri mwaka.

Kuwa 24 Werurwe 2000 ni bwo Kagame yabaye Perezida wa Repubulika muri Leta y’Inzibacyuho asimbuye Pasteur Bizimungu wari umaze kwegura, kuri ubu akaba ari Perezida wa gatandatu mu bayoboye u Rwanda.

JPEG - 238.1 kb
Abanyarwanda barashimira Perezida Kagame kubafasha mu iterambere no kwagura amahirwe y’ubuhahirane n’amahanga

Ibikorwa bye byibanze ku guharanira iterambere ry’ubukungu n’imibereho myiza y’Abanyarwanda binyuze mu guhakira igihugu abashoramari bakorera mu Rwanda no kuborohereza no kwagurira amahanga amarembo mu bya Politiki, ubuhahirane n’ubutwererane.

Abaturage bashyiriweho gahunda zinyuranye, zirimo iya Gira Inka Munyarwanda, Mudasobwa imwe ku mwana n’Uburezi kuri Bose , Ubwisungane mu Kwivuza (Mituweli), Ikigega Agaciro, guca Nyakatsi, One Dollar Campain mu kubakira abana barokotse Jenoside batagira aho baba, Mwarimu Sacco mu gufasha abarimu kwiguriza no kwizigamira, n’izindi nyinshi.

Ibi kandi byatumye imibereho y’abarutage ikomeza kuba myiza kuko kuri ubu icyizere cyo kubaho kigeze ku myaka 66 nk’uko bigaragazwa n’Ikigo cy’Igihugu cy’Ibarurishamibare.

Abanyarwanda bahisemo guhindura Itegeko Nshinga ngo Perezida Kagame akomeze abafashe gutera intambwe igana imbere ndetse n’icyerekezo cy’igihugu gikomeze kuba ntamakemwa guhera mu mwaka wa 2017 nyuma ya manda ebyiri amaze ku buyobozi.

Mu mashusho, kurikira abafata itariki Perezida Paul Kagame yavukiyeyo nk’itariki y’umugisha (hari mu mwaka ushize)

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.