2017-12-11 11:00:24 clouds 27o High | Kigali Rwanda

Dukurikire:
 
 

Perezida Kagame yahembewe guharanira iterambere rishingiye ku bumenyi

Yanditswe na IMVAHO NSHYA

Kuya 2016-11-14 08:08:00

 
Share on:
 
Yasuwe:0
 
Yavuzweho:200
 
10
 
10

Kuri uyu wa Mbere tariki 14 Ugushyingo 2016, Perezida Paul Kagame yageze kuri Kigali Convention Center gufungura ku mugaragaro inama ya 27 y’Ikigo Mpuzamahanga giteza imbere Ubumenyi (TWAS/The World Academy of Sciences).

Mu gufungura iyi mama, Perezida Kagame yashyikirijwe igihembo kubera guharanira iterambere rishingiye ku bumenyi n’ikoranabuhanga.

Perezida Kagame ashyikirizwa igihembo yaherewe guharanira iterambere rishingiye ku bumenyi n'ikoranabuhanga

Perezida Kagame yashimiye abitabiriye iyi nama ashimangira ko u Rwanda ruzakomeza Gufungura amarembo, kugena ibyarufasha no gukoresha ubumenyi mu kugera ku byo rwifuza.

Yagize ati “Kuva kera, abantu bagiye bifashisha ubumenyi kugira ngo bagere ku bisubizo by’ibibazo babaga bafite… iyi nama ni ikimenyetso cy’imbaraga ndetse n’umumaro w’ubufatanye hagati y’ibihugu biri mu nzira y’amajyambere.”

Iyi nama yatangiye mu mpera z’icyumweru gishize yitezweho kugaragaza agaciro k’ubumenyi mu guhangana n’ibibazo by’ubukungu n’iterambere ry’umuryango.

Iki kigo TWAS gifite intego gushyigikira no guteza imbere urwego rw’ubumenyi n’ubushakashatsi mu bihugu biri mu nzira y’amajyambere.

Guhera uyu munsi kugeza ku wa kane tariki 17 Ugushyingo, iyi mama izaba yakiria iyi mama ikaba ihuje abarenga 300 baturutse mu bihugu birenga 50.

Intego y’Iki kigo cyateguye inama ni ugufasha ibihugu bikiri mu nzira y’Amajyambere gukoresha siyansi mu kubaka iterambere rirambye binyuze mu gukora ubushakashatsi, uburezi, itegurwa rya politiki zinyuranye ndetse n’ububanyi n’amahanga.

Abitabiriye iyi nama barimo ba Minisitiri ndetse n’abandi bayobozi bakomeye mu bihugu byabo, abashakashatsi bakomeye cyane ku isi, nabahagarariye ibigo bitera inkunga uburezi, ndetse n’imiryango itegamiye kuri Leta.

Perezida Paul Kagame ageza ijambo ku bitabiriye inama ya TWAS

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE