Advertisement
 
 
 
 
 
 
 
 

Amakuru | Mu Rwanda

Perezida Kagame yavanye Dr. Binagwaho ku mwanya wa Minisitiri w’Ubuzima   

  Yanditswe na IMVAHO NSHYA
 July 2016

 
 

Perezida wa Repubulika w’u Rwanda yavanye Dr Agnes Binagwaho ku mwanya wa Minisitiri w’Ubuzima kuri uyu wa Kabiri tariki ya 12 Nyakanga 2016.

Itangazo ryashyizweho umukono na Minisitiri w’Intebe, Anastase Murekezi rivuga ko Binagwaho avanwe kuri uwo mwanya hashingiwe ku itegeko nshinga rya Repubulika y’u Rwanda ryo mu 2003 ryavuguruwe mu 2015 cyane cyane mu ngingo yaryo ya 116.

Minisiteri y’Ubuzima yagiye ivugwamo ibibazo bitandukanye, birimo kunyereza umutungo wa leta, serivisi mbi ndetse n’ubushobozi buke bwo guhangana n’indwara nka malariya.

JPEG - 37.6 kb
Minisitiri Binagwaho atanga ibisobanuro imbere y’inteko ishinga amategeko

Komisiyo y’Umutwe w’Abadepite ishinzwe Imibereho y’Abaturage igaragaza yasihoye raporo igaragaza ibibazo by’ingutu byazonze Minisiteri y’Ubuzima , abadepite batumije Dr. Binagwaho ngo atange ibisobanuro ku ya 31 Werurwe no ku ya 1 Mata 2015.

Ibisobanuro Binagwaho yatanze ntibyanyuze inteko.

Mu bibazo byagaragaye harimo imikoranire y’ ibitaro n’ibigo nderabuzima kuko hame hari abarwayi benshi barenze umubare w’abaganga bakorera mu bitaro boherejwe kuvurirwamo.

Minisitiri w’Ubuzima yanabajijwe impamvu yatumye indwara ya Malaria yiyongera mu gihe u Rwanda rwari rumaze kugera ku rwego rushimishije mu ruhando rw’andi mahanga mu kurwanya iyi ndwara.

Binagwaho yasobanuye ko indwara ya Malariya yongeye kuzamuka bitewe n’inzitiramibu zinjiye mu gihugu ndetse zigahabwa abaturage ariko zitujuje ubuziranenge.

Ibindi bibazo ni igabanuka ry’ubwitabire mu kwishyura ubwisungane mu kwivuza nyuma y’uko 2010 byari hejuru ya 90% ariko muri 2014 bukagera kuri 73%.

Ibindi bibazo birimo imicungure mibi y’inkunga ya Global Fund, ibikoresho bigurwa n’ibitaro bitujuje ubuziranenge n’ibindi.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.