Advertisement
 
 
 
 
 
 
 
 

Amakuru | Mu Rwanda

Perezida Kagame yashimiwe guteza imbere uburezi   

  Yanditswe na TWAGIRA WILSON
 May 2016

 
 

Peter Kramer, Umunyamerika akaba n’umuyobozi mukuru wa Sosiyete “Marine Services” muri Amerika, nyuma yo kwakirwa no kugirana ibiganiro na Perezida Paul Kagame, yamushimiye kuba yarafashe iya mbere agaha agaciro uburezi kuri bose.

Peter Kramer avuga ko agereranyije n’ibindi bihugu bya Afurika, Perezida Paul Kagame yitaye ku burezi bw’ibanze, ibi bikaba bigaragazwa n’uko 97% by’abana b’Abanyarwanda bagejeje igihe cyo kwiga bagana ishuri.

Mu kiganiro n’abanyamakuru nyuma yo kwakirwa n’Umukuru w’Igihugu, Kramer ari kumwe n’intumwa yari ayoboye yavuze ko nubwo hashize imyaka igera ku 10 amenyanye na Perezida Kagame, azakomeza gushima uburyo u Rwanda rwashyize imbere gahunda yo guteza imbere uburezi bw’ibanze kuri bose.

JPEG - 118.1 kb
Perezida Kagame yakira Peter Kramer

Umunyamabanga wa Leta muri Minisiteri y’Uburezi (MINEDUC) ushinzwe amashuri abanza n’ayisumbuye, Olivier Rwamukwaya, wari uherekeje Krammer, yatangaje ko uwo mugabo akorana n’Ishami ry’Umuryango w’Abibumbye ryita ku Bana (UNICEF) nk’umuterankunga wamufashije gutangiza ikigega “Peter Krammer Foundation”.

Iki kigega hamwe na “Nelson Mandela Foundation” byashinze umuryango mugari “School for Africa Initiative” uzafasha gushyigikira uburezi mu bihugu bisaga 26 byo ku mugabane w’Afurika harimo n’u Rwanda.

Rwamukwaya akaba yagize ati “Mu byo yashimye cyane harimo n’urwego rw’ubukungu bwateye imbere bigirira akamaro Abanyarwanda, by’umwihariko avuga ko u Rwanda rwabaye intangarugero mu guteza imbere uburezi, aho yavuze ko Perezida w’u Rwanda aha agaciro n’uburemere urwego rw’uburezi.”

Peter Krammer ni umwe mu baherwe ku Isi watangije umushinga wo guteza imbere uburezi muri Afurika ku buryo ateganya kubaka amashuri asaga ibihumbi bibiri mu bihugu 26 ku gaciro k’amadolari y’Amerika miliyoni 200.

 

Comments

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.