2017-05-27 10:19:18 clouds 27o High | Kigali Rwanda

Dukurikire:
 
 

Perezida Kagame yasabye ko imyitozo ya gisirikare yongerwa mu itorero Indangamirwa

Yanditswe na IMVAHO NSHYA

Kuya 2016-07-19 12:23:34

 
Share on:
 
Yasuwe:5
 
Yavuzweho:200
 
10
 
10

Perezida w’u Rwanda, Paul Kagame yasabye ko itorero Indangamirwa rihuza abiga hanze n’abiga mu gihugu rizaba ku nshuro ya 10 rizongererwa imyitozo ya gisirikare ibiganiro bikagabanywa.

Ubwo yasozaga itorero Indangamirwa ku nshuro ya cyenda i Gabiro kuri uyu wa 19 Nyakanga 2016, yavuze ko mu itorero ry’ubutaha inyigisho z’amagambo zizagabanywa hakiyongera igisirikare ariko kikigishwa mu buryo butavunanye.

Ati” Tuzagabanya bya bipindi bya ba Rucagu na ba Kaboneka, ntituzagabanya agaciro kabyo ahubwo tuzagabanya uko bingana, hanyuma tubigishe bya bindi mukunda, … igisirikare.”

Yongeyeho ati”Hari abibwira ko imyitozo ya gisirikare ivunanye ariko ubu twabiboneye uburyo bitavunana, ugasanga uzi kumasha, kumenya imbunda z’ubwoko bwose no kuzirinda aho ziba ziri wowe utayifite. Cyane cyane nkamwe musigaye muba hanze tubagirira impungenge dusigaye twirirwa tubona barasa abantu mu muhanda.”

Umukuru w’Igihugu yasobanuye ko ku nshuro ya cumi itorero indangamirwa rizahuza abamaze kurijyamo bose kuva ryatangira kugeza ubu ribaye ku nshuro ya cyenda.

Ati” Twaribajije turi ubutaha twakigize ikintu kinini cyane ahubwo kirenze ahangaha, ku buryo bumeze guutya, ku nshuro ya cumi tuzafata abamaze kunyura hano bose kuva ku nshuro ya mbere kugera ku ya 9 tubashyire hamwe tubazamure ku rundi rwego.”

Perezida Kagame yasabye urubyiruko kwirinda ubugwari ntibashakishe impamvu yo kwihunza inshingano zabo. Yabasobanuriye ikigwari icyo ari cyo.

Ati” Iyo bavuze ngo tabara, ikigwari umutima uramusimbuka akagira ubwoba. Atangira kuvuga ko umutwe umurya ati ‘ariko no mu nda ntihameze neza sinaraye nsinziriye.’”

Yabasabye kudakora akazi ngo ni uko bagahemberwa gusa ahubwo bakanabikura ku mutima.

Ati “Ntabwo iyo uri umuganga uvura gusa, …, ntabwo ari ikintu ukora nko kuzuza inshingano ngo ukwezi gushire baguhe umushahara ugende. Harimo no kuba ushaka gukiza umuntu.”

Itorero Indangamirwa ribaye ku nshuro ya cyenda ryahuje ababarirwa abanyeshuri 345.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE