2017-08-18 14:28:59 clouds 27o High | Kigali Rwanda

Dukurikire:
 
 

Perezida Kagame yasabye inzego z’ubutasi za Afurika gushyira hamwe

Yanditswe na IMVAHO NSHYA

Kuya 2016-08-04 13:03:04

 
Share on:
 
Yasuwe:7
 
Yavuzweho:200
 
10
 
10

Perezida Kagame yasabye inzego z’ubutasi muri Afurika gukorera hamwe mu rwego rwo gukiza umugabane ibyaha biwugarije n’akarengane gashingiye kuri politiki kawukorerwa.

Mu ijambo yavuze afungura inama y’abakuru b’inzego z’ubutasi n’umutekano mu bihugu bitandukanye, ibaye ku nshuro ya 11, yagaragaje akamaro abagize izo nzego bafitiye umugabane.

Yasobanuye ko akazi k’urwego rw’ubutasi ari inkingi ya mwamba y’umutekano w’ibihugu n’umugabane ariko ko nta cyagerwaho izi nzego zidashyize hamwe.

Ati” Umutekano niryo shingiro ry’ibindi byose. Niyo mpamvu dukeneye inzego z’iperereza n’umutekano zishoboye kandi zifatanya. Ubukungu bw’ibihugu byacu buva mu isesengura rinoze ry’ibiriho bigatuma abashyiraho politiki bakemura ibibazo neza.”

JPEG - 71 kb
Inama ya CISSA yahuje abayobozi b’inzego z’umutekano n’Ubutasi muri Afurika

Yavuze ko gushyira hamwe k’ubutasi ari byo byahagarika ibibazo byugarije Isi muri iki gihe, kuko nubwo hari ibihugu bimaze igihe byishongora ko bifite ubushobozi buruta ubw’ibindi nabyo muri iyi minsi biri kwibasirwa.

Ati”Hashize igihe kinini, ibice bimwe by’Isi byumva biri hejuru y’ibindi. Bikagaragarira mu buryo dutabarana. Urebye Isi uko imeze ubu, nta tandukaniro rinini hagati y’ibihugu byitwa ko ari bito n’ibyitwa ko bifite imbaraga. Twese ingaruka z’umutekano muke zitugeraho kimwe bityo tugomba kugira uruhare mu kuzikumira dushyize hamwe. “

Perezida Kagame asanga inzego z’ubutasi za Afurika zikwiye gusangira amakuru avuye mu iperereza kuko nta gihugu gishobora kwicungira umutekano kidafatanyije n’ibindi.

Umukuru w’igihugu yabwiye abitabiriye CISSA ko ubucamanza mpuzamahanga bwamunzwe na politiki ku buryo bwibasira umugabane wa Afurika gusa.

Yavuze ko u Rwanda ari kimwe mu bihugu byahuye n’ingaruka z’ikoreshwa nabi ry’ubwo bucamanza kandi ko rudateze kubyihanganira.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE