Advertisement
 
 
 
 
 
 
 
 

Amakuru | Mu Rwanda

Perezida Kagame yasabye abaturage guhana abayobozi   

  Yanditswe na IMVAHO NSHYA
 March 2016

 
 

Perezida w’u Rwanda Paul Kagame, yasabye abaturage kujya bahana abayobozi bigabiza ibyagenewe gahunda z’iterambere ryabo.

Mu ijambo yagejeje ku baturage b’akarere ka Rubavu muri sitade Umuganda kuri uyu wa Gatandatu ku ya 16 Werurwe, Perezida Kagame yagarutse ku bayobozi bigabiza imitungo ya gahunda za Leta nka VUP na Girinka.

Ati” Ntabwo abayobozi bagiraho kugira ngo ibyari bigenewe abaturage babigire ibyabo. Kandi mujye mwibuka mujye mubahana. Mufite ubushobozi n’uburenganzira bwo guhana abayobozi. Muzi aho babahanira? Iyo byageze mu matora murabanga, mukanga kubatora.”

JPEG - 138.8 kb
Perezida Kagame asuhuza abaturage b’i Rubavu ku wa Gatanu

Yongeyeho ko n’izindi nzego za Leta ziteguye guhana abayobozi nkabo, ariko ko zikeneye ko abaturage bazitungira agatoki.

Ati” Iyo mwabyerekanye gutyo turabibaryoza, turabakurikirana iby’abaturage batwaye bakabigira ibyabo baraza kubyishyura. Mujye mudutungira agatoki gusa.”

Ababyeyi batajyana abana ku ishuri bazahanwa

Umukuru w’igihugu kandi yagarutse ku babyeyi batajyana abana ku ishuri ahubwo bakabakoresha imirimo ivunanye yagenewe abantu bakuru, avuga ko bazajya bahanwa.

Yavuze ko yasanze abana bo mu karere ka Rubavu bajya mu ishuri ari bake cyane.

Ati” Nasanze hano muri Rubavu abana benshi batajya kwiga kandi Leta yarashyizeho uburyo bwo kugira ngo buri mwana wese yige. Hari ababyeyi badashishikariza abana kwiga bakabakoresha ibindi bikwiye gukorwa n’abantu bakuru. Turaza guhana abo babyeyi bakoresha abana babo imirimo badakwiye gukora kimwe n’abatohereza abana kwiga.”

Perezida yasabye abayobozi b’inzego z’ibanze, imiryango n’abarezi gukurikirana ababyeyi batajyana abana ku ishuri bakabafatira ibihano.

Ati” Kandi nabo nibadafatira ibyemezo abo babyeyi nabo tuzabafatira ibyemezo.”

Uyu munsi Perezida Kagame nibwo asoza uruzinduko rw’iminsi yari yagiriye mu turere twa Gakenke na Rubavu mu buryo bwo kwegera abaturage.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.