Advertisement
 
 
 
 
 
 
 
 

Amakuru | Mu Rwanda

Perezida Kagame yakiriye uwashoye imari mu cyayi cy’u Rwanda   

  Yanditswe na MUTUUNGIREHE SAMUEL
 5 months ago

 
 

Kuri uyu wa kane tariki 10 Ugushyingo Perezida Paul Kagame yakiriyeUmuherwe ukomeye mu Bwongereza Ian Wood, washoye imari mu buhinzi bw’icyayi mu Rwanda baganira ku buryo ubu buhinzi bwakomeza gutezwa imbere ari na ko butanga umusaruro ufatika ku bahinzi no ku gihugu muri rusange.

Sir Ian Wood w’imyaka 74 yashoye imari mu buhinzi bw’icyayi mu Rwanda abicishije mu muryango yashinze witwa Wood Foundation ugamije gufasha abaturage bo mu cyaro kwiteza imbere.

Kuri ubu ngo afasha abahinzi nyarwanda bagera ku bihumbi 17. Yashimye uburyo yakiriwe na Perezida Kagame, anashimangira ko agiye kongera umubare w’abahinzi afasha mu Rwanda cyane cyane abagemurira inganda nka Shagasha na Mulindi

Yagize ati “U Rwanda rufite izina rikomeye mu kuba rufite icyayi cyiza, mu myaka itanu ishize twakomeje gushora imari mu nganda za Shagasha na Mulindi dukorana n’abahinzi. Dufite gahunda yo kongera n’ahakorerwa ubuhinzi hagakijwe kongera umusaruro.”

Minisitiri w’ubuhinzi Dr Mukeshimana Geraldine yahamije ko akorana n’uruganda rw’icyayi rwa Mulindi rutanga 15% by’umusaruro w’u Rwanda. Yashimangiye kandi ko hari umushinga wa Rugabano mu karere ka Karongi ndetse no muri Nyaruguru uri hafi gusinywa bazatera inkunga.

Biteganyijwe ko uyu muherwe ngo ashobora kuzafasha amwe mu makoperative akora mu cyayi guhangana n’ibibazo by’amadeni asanganywe.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.