Advertisement
 
 
 
 
 
 
 
 

Amakuru | Mu Rwanda

Perezida Kagame yakiriye Malala Yousefzai waje gusura impunzi z’Abarundi   

  Yanditswe na JEAN CLAUDE NTAWITONDA
 July 2016

 
 

Ku mugoroba wo kuri uyu wa Gatatu, Perezida Paul Kagame yakiriye Malala Yousafzai w’imyaka 19 umwangavu wo muri Pakistan wahawe Igihembo cy’amahoro cyitiriwe Nobel ku myaka 17.

Malala yageze mu Rwanda ahagana saa kumi n’igice bikaba biteganyijwe ko kuri uyu wa kane arasura impunzi z’Abarundi zicumbikiwe mu nkambi ya Mahama mu karere ka Kirehe muri gahunda yateguye mu kwizihiza isabukuru y’imyaka 19 y’amavuko yagize guhera ku wa kabiri tariki 12 Nyakanga.

Yageze mu Rwanda akubutse muri Kenya aho munsi we w’amavuko yari yasuye inkambi ya Dadaab, kandi ngo ni we wisabiye kuza mu Rwanda gusura inkambi ya Mahama nk’imwe mu nkambi zicumbikiye abantu benshi.

Perezida Kagame na Jeannette Kagame bakiriye Malala kuri uyu wa gatatu

Malala afatwa nk’intwari ku isi kuko yabashije guhangana n’ibikorwa bibi by’umutwe wa Taliban abicishije mu mkuru yohererezaga BBC guhera mu mwaka wa 2009 ubwo yari agifite imyaka 11, ariko zigasohoka zitamwanditseho ku bw’umutekano we.

Nubwo yagerageje guhisha amazina ye ku nkuru yandikiraga BBC mu nkuru ze ze zavugaga "Uko bimeze kuba mu gace kayobowe n’aba-Taliban" ntibyamuhiriye kuko ubwo yari mu modoka imujyaneye ku ishuri na bagenzi be yarashwe mu mutwe bigatuma ajya muri Coma, akajya no kuvurizwa mu Bwongereza ari na ho yabagiwe.

Icyo gihe ntiyabanaga n’ababyeyi be, ariko akimara kugarura ubwenge yandikiye inkuru ikinyamakuru TIME ku buzima bwe mu bitaro, agira ati "Ntacyo numvise, birashoboka ko ubu nezerewe. Ariko barabikoze. Icyo nicuza ni uko ntagize amahirwe yo kuvugana na bo mbere y’uko bandasa. Ariko ubu barumva ibyo mvuga...."

Malala yabonye ibihembo bitandukanye, ndetse anashyirwa ku rutonde rw’abantu 100 bagize impinduka zikomeye mu buzima bwa muntu.

Uyu mwangavu yashinze umuryango ’Malala Fund’ uharanira guteza imbere uburenganzira bw’umukobwa cyane cyane mu burezi. Na none kandi Malala aherutse gusaba abayobozi ku Isi gushaka miliyari imwe y’Amadolari ya Amerika yafasha mu burezi bw’abana b’impunzi zo muri Syria.

Mu kiganiro yagiranye na BBC yagize ati "Turacyafite amahirwe yo kubafasha, no kubarinda. Ntabwo baragera igihe cyo kuzimira. bakeneye amashuri. Bakeneye ibitabo. Bakeneye abarimu. Ubu nibwo buryo twabungabunga ahazaza ha Syria."

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.