Advertisement
 
 
 
 
 
 
 
 

Amakuru | Mu Rwanda

Perezida Kagame yakebuye urubyiruko rudatanga umusaruro   

  Yanditswe na BIRORI ERIC
 June 2016

 
 

Ubwo urubyiruko rugize itorero ry’igihugu Inkomezamihigo, rwakiraga Perezida wa Repubulika Paul Kagame kuri Sitade Amahoro kuri uyu wa 27 Kamena 2016, yarusobanuriye ko kwitwa urubyiruko bidahagije gusa ahubwo igifite agaciro ari umusaruro rutanga.

Mu ijambo rye, Perezida Kagame yagarutse ku kamaro k’itorero maze ashimangira ko rituma urubyiruko rumenya inshingano zarwo ku giti cy’umuntu ndetse n’inshingano abantu bahuriraho ku gihugu.

Yavuze ko kwitwa urubyiruko bidahagije gusa ahubwo bifite ikindi gisobanuro kuko urubyiruko rukwiye kumva inshingano n’aho rukwiye kuba rugana. Yakomeje kandi avuga ko uko umuntu agenda akura “ariko inshingano zirushaho kuremera.”

Yagize ati “Umuntu akubajije ati ‘so what’ uri muto, uri urubyiruko umusubiza iki, turabyumvise ko uri urubyiruko turanabishimye ariko se… Bikumariye iki?”

Perezida Kagame avuga icyo kuba urubyiruko bisobanuye ati “Iyo uri urubyiruko ni amahirwe, ariko amahirwe ashobora gutakara cyangwa agakoreshwa neza. Hari igishoro mugomba gutanga ingufu, umuhate ,ubwenge n’ibindi mushobora gukoresha ngo muhangane n’ibibazo by’ubuzima bwanyu n’ubuzima bw’igihugu.”

Gusa avuga ko hari n’ibyo igihugu gikora kitagamije gukemura ibibazo by’umuntu runaka ahubwo biza bigamije gukemura ibibazo kuri buri wese ariko bigatanga amahirwe ku muntu witeguye.

Ati “Niba amashuri ashyirwaho ntituba dutekereza umwana wa kanaka. Niba ari ivuriro turatekereza ubuzima bw’abanyagihugu ntabwo ari umwana wa kanaka. Buri muntu ku giti cye agomba kuba yitegura ndetse n’igihugu gifite ibyo gitegura hanyuma amahirwe abonetse ukayahuza n’ibyo igihugu cyaguteguriye”

Kagame asanga igihugu kimenya ejo hazaza hacyo bitewe n’uburyo igihugu gifite urubyiruko rwiteguye kuzuza inshingano.

Ati “Urubyiruko igihugu kigira kikavuga ngo dufite ejo hazaza heza ni urwiteguye neza kuzuza inshingano, niko igihugu gitera imbere ni nako abantu bizera ko ibyo bifuza bishobora kuramba”

Umukuru w’igihugu yavuze ko igisobanuro cy’urubyiruko atari ukuva ku myaka iyi n’iyi ujya ku yindi ahubwo ari ukureba icyo urwo rubyiruko rutanga mu kwiyubaka ubwabo n’icyo rutanga ku gihugu.

Yongeyeho ko Politiki irera abantu bagapfuba atariyo u Rwanda rushaka, asaba urubyiruko rw’u Rwanda kwigirira ikizere, gutekereza kure no guhitamo neza.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.