Advertisement
 
 
 
 
 
 
 
 

Amakuru | Mu Rwanda

Perezida Kagame yahaye ikaze ikigo cyemeye gukwiza amazi mu Rwanda   

  Yanditswe na Imvaho Nshya
 March 2016

 
 

Perezida Paul Kagame yahaye ikaze ikigo Culligan gikwirakwiza amazi, cyemeye gushinga icyicaro i Kigali ubundi kigafasha gukwirakwiza amazi mu gihugu hose.

Culligan International ni ikigo mpuzamahanga cyo muri Leta ya Illinois muri Leta Zunze Ubumwe za Amerika, kikaba kizobereye mu gutunganya amazi no kuyayungurura.

Perezida Kagame yahaye Culligan ikaze mu gihugu kuri uyu wa 28 Werurwe ubwo hatahwaga uruganda rw’amazi (Nzove 2) rwubatse ku nkombe y’umugezi wa Nyabarongo ahazwi nko mu Nzove mu Mujyi wa Kigali.

Uru ruganda rwubatswe ku bufatanye bwa Leta y’u Rwanda n’iki kigo rwitezweho gutanga m3 25,000 ku munsi, yiyongera ku yari asanzwe akwirakwizwa mu Mujyi wa Kigali. Amazi ava muri uru ruganda agaburira hafi 45% by’umujyi wa Kigali.

Perezida Kagame yashimiye ubufatanye n’iki kigo, ati "Twishimiye ko Culligan igiye gushyira ibiro byayo hano mu Rwanda, tukazakomeza gufatanya mu kugeza amazi meza ku baturage."

Umukuru w’Igihugu yagarutse ku bufasha bw’iki kigo nyuma y’aho Umuyobozi wa Culligan International, avuze ko bagiye gushyira icyicaro mu Rwanda kubera ubuyobozi bwiza butanga amahirwe angana ku bashoramari bose.

Abaturage basabwe gufata neza ibikorwa remezo bubakiwe kuko bibafasha guhindura imibereho yabo ikarushaho kuba myiza. Uru ruganda rwa Nzove rutanga amazi mu mujyi wa Kigali n’agace ka Kamonyi ku Ruyenzi. Bushayija avuga ko bakora amanywa n’ijoro kugira ngo aya mazi aboneke.

Uruganda rwohereza amazi mu kigega cya metero kibe 10,000 kiri i Ntora, akoherezwa mu bice by’umujyi wa Kigali, aho rwunganirwa n’urwa Kimisagara narwo rutanga metero kibe 25,000 ku munsi ndetse n’urwa Karenge rutanga metero kibe 15,000 ku munsi.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.