2017-05-23 06:21:20 clouds 27o High | Kigali Rwanda

Dukurikire:
 
 

Perezida Kagame yageneye abaturage b’i Nyanza ubutumwa bubashimira

Yanditswe na Claude Ntawitonda

Kuya 2016-08-05 11:29:59

 
Share on:
 
Yasuwe:2
 
Yavuzweho:200
 
10
 
10

Perezida Paul Kagame yashimiye uburyo abaturage b’i Nyanza bamwakiriye neza ndetse bakagirana ibiganiro byubaka igihugu ubwo aheruka kugirirayo uruzinduko tariki 11 Nzeri 2015.

Ubutumwa bushimira abaturage b’i Nyanza ku buryo bakiriye Umukuru w’Igihugu babugejejweho na Minisitiri w’Umuco na Siporo Uwacu Julienne, kuri uyu wa gatanu mu muhango wo kwizihiza Umuganura wa 2016.

Muri ubu butumwa Perezida Kagame yijeje abaturage b’i Nyanza ko atazatezuka kubaba bafi mu bikorwa by’iterambere nk’uko biri mu mihigo yo gufasha Abanyarwanda kugera ku iterambere rirambye.

Hahembwe indashyikirwa mu buhinzi n'ubworozi

Ubwo Perezida Kagame aheruka muri aka karere yafunguye ku mugaragaro urugomero rw’amazi yo kuhira imyaka mu mabanga y’imisozi ndetse anabemerera uruganda rw’amata ruzaba rufite ubushobozi bwo gutanga litiro ibihumbi 400 ku kwezi.

Uruganda rw’amazi yatashye rufite ubushobozi bwo kugira meterokibe miliyoni 1.5 z’amazi rukaba rwaratwaye akayabo ka miliyari 15 z’amafaranga y’u Rwanda.

Minisitiri Uwacu yashimiye abaturage b’aka karere anabibutsa ko ubwo bizihiza umuganura bakwiye guha agaciro icyo usobanuye kuko ari umuco wo kwicisha bugufi no kwiyoroshya kw’abayobozi imbere y’abo bayobora.

Yashimangiye ko Umuganura wahozeho mu Rwanda kuko ari igikorwa cyategurwaga n’umwami wateguraga ibyo gusangira n’abo ayoboye maze bagasabana. Kuri we ngo uyu muco ugomba gushingirwaho mu kwihesha agaciro.

Abaminisitiri n'abandi banyacyubahiro bitabiriye uyu muhango

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE