Advertisement
 
 
 
 
 
 
 
 

Amakuru | Mu Rwanda

Perezida Kagame ntagasanganizwe ibibazo by’abaturage kandi duhari- Depite Mukama   

  Yanditswe na NIYONSENGA Schadrack
 April 2016

 
 

Inteko ishinga amategeko yiyemeje kongera ibikorwa byo gusura abaturage guhera mu gihembwe gitaha ku buryo nta bibazo abaturage bazongera kujya barindiriza umukuru w’igihugu ngo bibone gukemurwa.

Ubo Inteko ishinga amategeko imitwe yombi yagaragariza itangazamakuru ibyakozwe mu gihembwe cya mbere cya 2016 banatangaza ibizibandwaho mu gihembwe gitaha, Depite Mukama Abbas yatangaje ko inteko igiye kurushaho kwegera abaturage kurenza uko byakorwaga.

Bimwe mu bibazo bikomeye inteko ishingamategeko isanzwe igerageza gukemura ariko bigahora bigaruka birimo idindira rya gahunda ziterambere ry’aturage zishyirwaho na leta, ruswa ikigaragara mu nzego zitandukanye binajyana n’ inyerezwa ry’ umutungo wa leta nk’uko byatangajwe na Makuza Bernard uhagarariye sena.

JPEG - 271.5 kb
Perezida wa Sena Makuza na perezindante w’Inteko Mukabarisa basobanurira Abanyamakuru ibyigihebwe cyambere ko byagenze(Foto James R)

Abanyamakuru babajije inteko icyo ikora ku bibazo by’inguntu bikunze gusanganizwa umukuru w’igihugu aho asuye abaturage hose kandi nyamara byakabaye byaramenywe n’intumwa za rubanda mbere hose.

Kuri ibi bibazo Depite Mukama Abbas yagize ati, " Inteko igiye kujya isura abaturage bayibwire ibibazo bafite. Iyi gahunda isanzweho ariko izongerwemo ingufu nyinshi kuko biteye amakenga kubona umuturage ategereza ko perezida azasura aho atuye kugirango arenganurwe. Perezida azajye asanga byibuze icyo kibazo cyari kizwi n’ abadepite kandi hari icyagikozweho. Umukuru w’igihugu ntagasanganizwe ibibazo gusa."

Ikibazo cy’abana bata ishuri bakajya ku muhanda icuruzwa ry’ abantu, ruswa mu nzego zimwe na zimwe, ndetse no kwimura abaturage ahagenewe ibikorwa rusange hutihuti batanahawe ingurane nibyo byagarutsweho nkibikwiye guhagurukirwa n’ intumwa za rubanda.

Mu gusubiza ibi bibazo umukuru wa sena senateri Makuza Bernard yagize ati, " Ntitwavuga ko inteko yicaye ngo ibirebere kuko icyo dukora ni ubuvugizi. Byinshi muri ibyo bibazo biba byaraganiweho muri za komisiyo zitandukanye hanyuma tugatanga raporo. Nk’ ikibazo cy’ abana bo ku muhanda twagiye tukigarukaho muri za komisiyo. Abacuruza abantu kimwe n’abicuruza nabo hari kwigwa itegeko ribahana kuko nibwo bushobozi bwinteko."

Depite Mukabalisa Donatile uyobora umutwe w’abadepite we avuga ko binyuze mu mishinga itandukanye y’ amategeko igenda itorwa ngo hari ikizere ko ibibazo bizakemuka.

Ati " ibirebana numutungo unyerezwa tubikurikirana tunyuze muri PAC. ni ubuvugizi nyine nibyo dukomeza gukora"

 

Comments

Izina Ryanyu
IGITEKEREZO

 
 
Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.