Advertisement
 
 
 
 
 
 
 
 

Amakuru | Mu Rwanda

Uganda: Perezida Kagame yitabiriye inama yo kurwanya iterabwoba   

  Yanditswe na NTAWITONDA JEAN CLAUDE
 July 2016

 
 

Perezida Kagame n’abandi bakuru b’ibihugu birindwi bitabiriye inama yo kurwanya iterabwoba yabereye muri Uganda iyobowe na Minisitiri w’Intebe wa Isiraheli Benjamin Netanyahu.

Ni mu ruzinduko Netanyaho n’umugore we Sara bagiriye muri Uganda, rukaba ruzakomereza mu bihugu bitandukanye bya Afurika birimo n’u Rwanda.}

Abitabiriye iyo nama barimo Perezida Paul Kagame w’u Rwanda, Uhuru Kenyatta wa Kenya, na Salva Kiir wa Sudani y’Epfo.

Pereizida Museveni yashimiye abakuru b’ibihugu bitabiriye ubutumire bwe anagaragaza ko bunguranye ibitekerezo ku ngingo zinyuranye, ati “Twagiranye ibiganiro bikomeye ku birebana n’umutekano ndetse n’ubuhahirane mu by’ubukungu.”

Perezida Kagame n'abandi bakuru b'ibihugu barindwi bakiriye Netanyahu

Tariki ya 4 Nyakanga 1976, ni bwo Ingabo za Isiraheli (Israel Defense Forces - IDF) zagabye igitero cy’amateka muri Uganda ku ngoma ya Idi Amin Dada mu rwego rwo kubohora abantu barenga 100 bari bigaruriwe n’ibyihebe by’Abanya-Palestine bifatanyije n’ibyo mu Budage.

Minisitiri w’Intebe Netanyahu yasesekaye muri Uganda mu rwego rwo kwizihiza isabukuru y’imyaka 40 Isiraheri igabye iki gitero i Entebbe muri Uganda.

Perezida Museveni yagaragaje ko mugenzi we Idi Amin yari mu makosa kugumana imfungwa za Isiraheli, yongeraho ko na Isiraheli yari mu kuri gushoza intambara yamaze iminota 50 gusa ngo ibohoze imfungwa zayo.

Abakuru b'Ibihugu na Netanyahu baganiriye ku mutekano n'ubuhahirane

Yagize ati “Nk’abaharanira ubwigenge, ntidushyigikira ibikorwa by’ubugwari byo kwigabiza abasivili nk’uko ibyihebe bibikora. Amashyaka aharanira ubwigenge arwana kubera impamvu kandi ntiyanyura mu nzira z’ibyihebe.”

Perezida Museveni yakomeje asobanura ko ubwo Isiraheri yateraga Uganda na we yarwanyije Idi Amin igihe kigera ku myaka itandatu kuko atumvaga imiyoboere ye, nubwo ibihugu by’ibikomerezwa byari bimushyigikiye.

Yashimangiye ko kuri ubu ashyigikiye umubano wagutse w’igihugu ayoboye na Isiraheli kuko ibyabaye mu 1976 bikwiye kuba amahirwe aho kuba ikibazo, ndetse anasaba iki gihugu gushora imari mu bihugu bitandukanye bya Afurika kuko bifite amahirwe menshi abereye ishoramari ryabyara umusauro ku mpande zose.

Perezida Yoweri Kaguta Museveni na Benjamin Netanyahu

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.