2017-08-19 07:41:08 clouds 27o High | Kigali Rwanda

Dukurikire:
 
 

Nyuma y’ibizamini by’umubiri, Bihozagara agiye gushyingurwa

Yanditswe na IMVAHO NSHYA

Kuya 2016-04-13 14:18:47

 
Share on:
 
Yasuwe:0
 
Yavuzweho:200
 
10
 
10

Nyuma y’uko Polisi y’u Rwanda ikoze ibizamini ku mubiri wa nyakwigendera Bihozagara Jacques wahoze ari Minisitiri n’umudipolomate w’u Rwanda, agiye gushyingurwa mu mpera z’iki cyumweru.

Ubwo umubiri we wagezwaga i Kigali, byavuzwe ko bigaragara ko yakubiswe akanakorerwa iyicarubozo.

Umuryango we uvuga ko polisi ntacyo iratangaza cyavuye mu bizamini Bihozagara yakorewe, ndetse ko bazagira icyo batangaza nyuma y’uko ashyinguwe.

JPEG - 45.7 kb
Jacques Bihozagara

Umwe mu bagize umuryango wa Bihozagara, Joseph Kilimandjalo, yabwiye KT Press ati “ isuzuma ry’umubiri we ryakorewe mu bitaro bya poliri, ariko ntabwo nari namenya umwanzuro wabyo.”

Bihozagara yaguye muri gereza ya Mpimba mu Burundi ku ya 30 Werurwe, aho yari afungiye kuva mu Kuboza.

Umuryango we wavuze ko Leta y’u Burundi yabanje kuzana amananiza yo kumwohereza mu Rwanda, ikabanza kubasinyisha urwandiko ngo bemere ko yapfuye azize urupfu rusanzwe.

Nyuma yaho, binyuze muri Ambasade y’u Rwanda mu Burundi, icyo kibazo cyaje gukemuka umubiri wa Bihozagara woherezwa mu Rwanda, umuryango we usaba ko ukorerwaho ibizamini icyamuhitanye kikamenyekana.

Umuhango wo kumuherekeza uteganyijwe ku wa Gatanu kuva saa tatu mu rugo rwa nyakwigendera i Kibagabaga no kuri paruwasi yitiriwe Mutagatifu Sitefano mu Biryogo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE