Advertisement
 
 
 
 
 
 
 
 

Amakuru | Mu Rwanda

Nyamasheke:Umugabo w’imyaka 45 wasambanyije umwana arahigishwa uruhindu   

  Yanditswe na BAHUWIYONGERA SYLVESTRE
 May 2016

 
 

Umugabo w’imyaka 45 witwa Kamarampaka Alexis bakunda kwita Mabuso, arashakishwa ngo ahanirwe icyaha akekwaho cyo gufata ku ngufu umwana w’umukobwa w’imyaka 12.

Uyu mwana wiga mu mwaka wa gatatu w’amashuri abanza yafatiwe ku ngufu mu mudugudu wa Gitwa, akagari ka Nyakavumu, mu murenge wa Mahembe, mu karere ka Nyamasheke, uyu mugabo ukekwaho kumufata ku ngufu ahita atoroka.

Uyu mugabo ngo usanzwe afite abagore 2 akaba yaranafungiwe igihe kirekire Jenoside yakorewe abatutsi, ngo yahengereye nyina w’umwana yagiye mu isoko mu mu saa munani z’amanywa, asanga uyu mwana ahetse undi w’imyaka 2,5 amubwira kujya ku muryamisha.

JPEG - 180.3 kb
Nyirasafari Vérène aravuga ko ahangayikishijwe n’ubuzima bw’umwana we wafashwe ku ngufu (Foto Bahuwiyongera S)

Ubwo uyu mwana yajyaga kuryamisha murumuna we, uyu mugabo yahise amusanga mu buriri amufata ku ngufu aramusambanya.

Mu kiganiro n’Imvaho Nshya, Nyirasafari Vérène, nyina w’uyu mwana yagize ati:“Nkibimenya nahise njyana umwana ku kigo nderabuzima cya Mahembe bahita bambwira kumujyana ku bitaro byo kuri Ngoma mu karere ka Karongi, ngezeyo, mpita njya no kuri Polisi bampa urupapuro nshyira dogiteri.

Ndaza umwana baramupima, bampa imiti bambwira kujya gutegereza amezi 3 ngo ndebe ko yaba yaramwandujwe agakoko gatera SIDA, icyakora hagati aho numva ngo wa mugabo yafashwe n’ubuyobozi bw’akagari, hashize akanya numva ngo arabucitse na byo bimbera urujijo.”

Avuga ko yifuza ko ikibazo cy’umwana we cyakomeza gukurikiranwa uyu mugizi wa nabi agafatwa akaryozwa ibyo yakoze, cyane cyane ko yumva ko ngo umutungo w’umugore muto watangiye kugurishwa ngo amusange.

Uyu mugore kandi asaba Polisi kubaza neza uyu mugore muto aho umugabo we aherereye, kuko ashobora kuba ahazi, ntakomeze kugurisha ngo amusange.

Umuyobozi w’aka karere wungirije ushinzwe iterambere ry’ubukungu Ntaganira Josué Michel, yasabye ko iperereza ryakomeza hakamenyekana aho uyu mugabo yihishe, akaza akaryozwa ubu bugome yagiriye uyu mwana.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.