Advertisement
 
 
 
 
 
 
 
 

Amakuru | Mu Rwanda

Nyamasheke: Batangiye kwigishwa isuku y’amenyo hifashishijwe inshuke   

  Yanditswe na BAHUWIYONGERA SYLVESTRE
 5 months ago

 
 

Nyuma y’aho bigaragariye ko mu mirenge myinshi y’Akarere ka Nyamasheke hari ibibazo by’uburwayi bw’amenyo, abaturage b’aka karere batangiye kubona ibisubizo mu masomo ahabwa inshuke y’uburyo bwo kwita ku isuku y’amenyo kuko na bo bamaze gukwiza uyu muco mu babyeyi.

Ubu bufasha barabuhabwa n’Umuryango utegamiye kuri Leta “Kageno Rwanda” watangiriye ku bana b’inshuke bo mu kagari ka Banda, mu murenge wa Rangiro ubigisha isuku y’amenyo.

Umuyobozi w’Umuryango mu Karere ka Nyamasheke, Ngirimana Levi avuga ko iki gikorwa kije nyuma y’ubushakashatsi bwakozwe n’umuyobozi wawo ku isi akaba n’inzobere mu buvuzi bw’amenyo Dr Frank Andolino.

JPEG - 366.6 kb
Nyiransengimana Yvonne ahamya ko kwigisha inshuke isuku y’amenyo bimaze guhindura byinshi mu myumvire y’ababyeyi babo ( Foto Bahuwiyongera S)

Ubu bushakashatsi ngo bwagaragaje ko uburwayi bw’amenyo bwibasiye aka karere, nyuma iyi nzobere ishinga ishuri ry’inshuke n’ivuriro ry’ingoboka nubwo ritemerewe kuvura amenyo.

Dr. Andolino yahise atangiza uburyo bwo kwigisha isuku y’amenyo ahereye mu nshuke zigera kuri 300 bizeye ko zizakwiza ubwo butumwa mu babyeyi, bagakumira birambye uburwayi bw’amenyo.

Ngirimana yagize ati “Byatumye buri mwana ahabwa uburoso bwihariye bukwikiye mu ruti rwabwo buriho n’izina rye, uko bamaze kunywa igikoma bakigishwa koza amenyo neza, ku buryo mu myaka 5 bamaze babikora bamaze kubigira umuco bakaba baranabikwije mu babyeyi babo. Turizera ko izi ndwara mu bihe biri imbere zitazaba zikihavugwa.”

Nyiransengimana Yvonne umwe mu barera aba bana ahamya ko iri somo ryabaye ingenzi cyane.

Ati “Hari n’abahinduye imyumvire y’ababyeyi babo aho babasaba koza amenyo nk’uko babikora ku ishuri, none bamwe mu babyeyi bigannye aba bana na bo batangiye kuyasukura.”

Birashimangirwa na Misago Ezechiel umwe mu babyeyi barerera muri iri shuri uvuga ko na we yatangiye koza amenyo abitewe n’umwana ubimukangurira buri gitondo.

Gitifu w’aka kagari Banda Nzabonimpa Jean Paul, avuga ko biteze umusaruro ukomeye kuri iyi gahunda kuko ikibazo cy’uburwayi bw’amenyo kigaragara cyane mu bakuze.

Zimwe mu mbogamizi zikigaragara ni uko abaturage bamwe bafite imyumvire ikiri hasi ku isuku y’amenyo; bavuga ko iyo bayogeje buri gihe bakoresheje umuti w’amenyo bituma akomera cyane kuyakura bikazagorana.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.