Advertisement
 
 
 
 
 
 
 
 

Amakuru | Mu Rwanda

Nyamasheke: Barashimira abayobozi babegereje ibitabo n’ibinyamakuru   

  Yanditswe na BAHUWIYONGERA SYLVESTRE
 5 months ago

 
 

Abaturage baturiye ibyaro by’Akarere ka Nyamasheke barashima imbaraga ubuyobozi bwako bushyira mu kubakundisha umuco wo gusoma ibinyamakuru n’ibitabo binyuranye nyuma ya gahunda y’amasomero bashyiriweho abafasha gusoma barangije imirimo yabo ya buri munsi.

Abaturage bo mu kagari ka Banda, Umurenge wa Rangiro bishimira ko begerejwe ibitabo n’ibinyamakuru bakuramo inkuru zirimo izibahugura ndetse bakanasobanukirwa neza icyerekezo cy’igihugu.

JPEG - 300.8 kb
Bishimira ko no mu byaro bya kure batangiye kugezwaho ibitabo n’ibinyamakuru

Isomero ribafasha rybatwe n’Umushinga w’Abanyamerika (Kageno) rikaba ryganjemo ibitabo by’Ikinyarwanda no mu zindi ndimi bitewe n’urwo umuntu yumva,basoma n’ibinyamakuru birimo Imvaho nshya , Ni nyampinga n’ibindi.

Ririkumutima Jeannette imvaho yagize ati “Turashimira Leta n’umushinga Kageno badukuye mu bwigunge bakaduha aho dusomera amakuru anyuranye kuko ino nta mashanyarazi tugira ngo tugire za televiziyo,cyangwa ngo ducomeke radiyo twumve amakuru, amafaranga y’amabuye ya radiyo ya buri kanya na yo akaba ikibazo,ariko kuba tubasha gusoma nk’ibi binyamakuru bituma tumenya aho igihugu kigeze tukigiramo na byinshi bituma twiteza imbere.”

Abagore bavuga ko bifasha abana kutazerera bakaniyungura ubumenyi,bikanafasha abagabo babo kudapfusha ubusa amafaranga mu tubari ahubwo bakajya gusoma ibyo bitabo n’ibinyamakuru nubwo bataraba benshi.

JPEG - 300.8 kb
Bishimira ko no mu byaro bya kure batangiye kugezwaho ibitabo n’ibinyamakuru

Gusa bifuza ko babona ibitabo byinshi bivuga ku buzima bw’imyororokere no kuboneza urubyaro, kwirinda indwara zinyuranye, ubuhinzi, kurwanya imirire mibi n’ibindi bibajijura.

Umuyobozi w’Umushinga Kageno Rwanda ukorera aho i Banda Ngirimana Levi, yavuze ko hagikenewe ingufu nyinshi mu gukangurira abaturage umuco wo gusoma ibitabo n’ibinyamakuru, gusa ngo bigenda bigerwaho ugereranije na mbere.

Yagize ati “Nyuma yo kwegereza abaturage bimwe mu bikorwa remezo twasanze ari ngombwa ko banasoma dushyiraho isomero turishyiramo ibatabo birenga 3000 binyuranye by’Ikinyarwanda n’izindi ndimi,badusaba n’ibinyamakuru ni bwo twatangiye kubazanira Imvaho Nshya na biriya bindi mubona, bikaba bibafasha gusoma bakanakuramo amakuru menshi abafitiye akamaro nk’uko babitubwira.”

Avuga ko bagiye gushyiraho amarushanwa ku bana bato hakurikije uko basoma, bikazabafasha kurushaho.

Ushinzwe amashuri y’ishuke, abanza n’amasomero muri aka karere Habineza Florien, avuga ko gahunda yo gufasha abaturage kubona amasomero igenda itanga umusaruro, n’abakunda gusoma bifashishije ikoranabuhanga bashyiriweho za Télécentres zibafasha.

JPEG - 321.1 kb
Ngirimana Levi(uhagaze wambaye amadarubindi) avuga ko kuba abaturage baza gusoma ibinyamakuru cyane cyane

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.