2017-07-21 15:15:02 clouds 27o High | Kigali Rwanda

Dukurikire:
 
 

Nyamasheke:Abuzwa amahoro n’uko umugabo we adasaba imbabazi abo yahemukiye muri Jenoside

Yanditswe na IMVAHO NSHYA

Kuya 2016-05-23 05:07:07

 
Share on:
 
Yasuwe:7
 
Yavuzweho:200
 
10
 
10

Mukangwije Thacienne w’imyaka 64, utuye mu kagari ka Kanazi, mu murenge wa Ruharambuga mu karere ka Nyamasheke, yavuze ko atagitora agatotsi, kuko umugabo we yinangiye akanga gusaba imbabazi abo yahemukiye muri Jenoside.

Uyu mugore avuga ko umugabo we bafatanyije kugira uruhare muri Jenoside, ndetse bombi bafungirwa iki cyaha igihe kirekire muri gereza ya Rusizi, ariko ngo yaramwinginze ngo asabe imbabazi abo yahemukiye amwima amatwi.

Uyu mugore wiyemerera uruhare yagize muri Jenoside ndetse akanahamya urw’umugabo we, avuga ko yafunzwe imyaka 10 n’amezi 7.

JPEG - 211.5 kb
Mukangwije Thacienne yabujijwe amahwemo n’uko umugabo we adasaba imbabazi (Foto Bahuwiyongera S)

Mu buhamya bw’uyu mugore avuga ko umugabo we nawe yireze akanemera icyaha cya Jenoside, ahabwa igihano cy’imirimo nsimburagifungo ifitiye igihugu akamaro(TIG) arataha, ariko ngo akomeza kwinangira ku gutera intambwe ngo asabe imbabazi abo yahemukiye.

Yagize ati:“Inyigisho z’ubumwe n’ubwiyunge zitangirwa muri Paruwasi yacu ya Ntendezi na ba Padiri Ubald Rugirangoga na Nzamurambaho Achile zankozeho mpagarika ibyo guhazwa ndabanza nsaba imbabazi abo nahemukiye, ariko nkomeje kubuzwa gusinzira n’umugabo wanjye wanze gutera iyo ntambwe yo gusaba imbabazi.

Natangiye kumubwira tugifunze ngo asabe imbabazi aranga...none nabuze uko ngira, gusa namubwiye ko n’abo twishe bariya bantu, nidupfa nta kibazo tuzaba dufite kuko tuzaba dupfuye neza na ho we akazapfa nabi, kandi sinamureka ngo nahukane, nabuze icyo nakora n’icyo nareka.”

Uyu mubyeyi avuga ko agiye kwinginga Padiri Achile Nzamurambaho akagenderera uyu mugabo agatera intambwe yo gusaba imbabazi abo yiciye, dore ko uyu mugore afite n’ikibazo cyo kuzakora Yubile wenyine mu myaka 2 iri imbere.

Yagize ati:“Twashyingiwe mu 1993, mu myaka 2 iri imbere twagombaga kuzakora Yubile y’imyaka 25 tumaranye.Ubu se nzayikora njyenyine agaramye mu nzu nkomeze mbyemere, cyangwa azasaba imbabazi kiliziya imukomorere dukorere Yubile hamwe?”

Padiri mukuru wa Paruwasi gatulika ya Ntendezi Achile Nzamurambaho, avuga ko agiye gufasha uyu mugore akagenderera umugabo we agasaba imbabazi kugira ngo n’umugore abone amahoro, anasinzire neza kuko amarira ye yumvikana.

Ubwo yari muri iyi paruwasi mu ntangiriro z’uku kwezi, Umunyamabanga Nshingwabikorwa wa komisiyo y’igihugu y’ubumwe n’ubwiyunge Fidèle Ndayisaba, yavuze ko nta yindi nzira y’imibanire myiza y’abishe n’abiciwe, uretse gusaba imbabazi no kuzitanga.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE