Advertisement
 
 
 
 
 
 
 
 

Amakuru | Mu Rwanda

Nyamagabe: Mu ngo 600 zigiye guhabwa amashanyarazi harimo izo yacaga hejuru   

  Yanditswe na UMUHIRE K. SAIDATH
 2 months ago

 
 

Ubuyobozi bw’Akarere ka Nyamagabe bwatangaje ko uyu mwaka w’ubukungu wa 2016/2017 ugomba kurangira ingo 600 zigejejweho umuriro w’amashanyarazi zikiyongera ku 14 647 zari ziwusanganywe.

Hagendewe ku mpuzandengo y’abafite umuriro w’amashanyarazi, Akarere ka Nyamagabe karacyari inyuma,ku ijanisha rirenga gato 19%. Nyamagabe igizwe n’ingo 76 489.

Iyi gahunda yatangajwe nyuma y’igihe kinini abaturage bamwe mu batuye muri aka batagerwaho n’umuriro w’amashanyarazi bavuga ko bababazwa no kubona inshinga z’amashanyarazi zibaca hejuru badashobora kurahura.

Umulisa ndetse na Mukamana ni bamwe mu baturage bo mu mirenge ya Tare na Kitabi bavuga ko nta kibabaza nko kubona insinga zica hejuru y’urugo cyangwa ahabegereye hacanye wowe nta muriro ufite.

Mukamana agira ati "Umuriro ni igikorwaremezo cy’ingenzi kandi gikenerwa na buri wese. Birababaza kujyana telefone kuyishirishamo umuriro ahandi cyangwa ukarara mu kizima nyamara umuriro ukwegereye."

Umuyobozi w’Akarere ka Nyamagabe Mugisha Philbert, avuga ko uyu mwaka bafite gahunda yo guha ingo 600 umuriro w’amashanyarazi, ati "Hari n’indi nyigo y’amashanyarazi turimo dukoresha ava ahitwa ‘The Mata’ i Nyamigina, ajya ahitwa Ryarubondo ni ahantu hari isoko ry’amatungo hari n’umudugudu hatuwe cyane. Twari twasabye EUCL ngo badukorere inyigo."

Uretse utu duce tuzitabwaho, Mugisha avuga ko hari n’abafite ingo insinga zica hejuru. Nabo batekerejweho ni imirenge itatu itarageramo umuriro w’amashyanyarazi.

Ati "Biranajyana n’inyigo turimo dukorana nabo noneho turebe ahantu hari ipoto iha abaturage amashanyarazi, urugo rutarengeje metero 37 uvuye kuri ya poto.Turimo turakora iryo barura. Izo ngo na zo zikazahabwa amashanyarazi dufatanije na REG. Igikorwa kirarimbanije mu mirenge."

Mugisha avuga ko ku mirenge ya Musange, Nkomane na Mugano itarageramo umuriro, ku bufatanye na REG hatanzwe isoko ryo kuhageza umuriro nubwo nta gihe yavuze bizatangirira cyangwa bizarangirira.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.