Advertisement
 
 
 
 
 
 
 
 

Amakuru | Mu Rwanda

Nyagatare: Umuganga akurikiranyweho gukoresha amafaranga y’amiganano   

  Yanditswe na IMVAHO NSHYA
 June 2016

 
 

Nsengiyumva Jean Claude w’imyaka 28 usanzwe ari umukozi mu isuzumiro ry’abarwayi mu kigo nderabuzima cya Karangazi mu karere ka Nyagatare yatawe muri yombi na Polisi akurikiranyweho gukoresha amafaranga y’amakorano.

Polisi ikorera muri aka karere ivuga ko Nsengiyumva yafashwe nyuma y’aho aje kubitsa amafaranga ku mukozi utanga serivisi za Mobile Money ukorera mu kagari ka Rwisirabo, Umurenge wa Karangazi.

Umuvugizi wa Polisi mu ntara y’Iburasirazuba IP Emmanuel Kayigi yavuze ko Nsengiyumva afungiwe kuri Sitasiyo ya Polisi y’u Rwanda ya Karangazi mu gihe iperereza rikomeje.

Yagize ati "Yaje mu masaha y’ijoro kubitsa ibihumbi 30 by’amafaranga y’u Rwanda ku mukozi utanga izi serivisi, amaze kuyafata agira amakenga kuko yumvaga ataremereye nk’amafaranga asanzwe, abaza Nsengiyumva ati ’ko numva ataremereye?’ Nawe aramusubiza ati ’niko nanjye nayumvise’.

Nsengiyumva avuga ko atari azi ko atunze amafaranga y'amahimbano

Yakomeje avuga ko kubera ko hatabonaga neza uyu mukozi wa Mobile Money yayabitse nyuma y’akanya gato ajya ku itara arebye neza asanga ni amakorano. Kuko yari azi uwayamuhaye yahise ahamagara Polisi ayibwira ko Nsengiyumva yamuhaye amafaranga y’amakorano,

IP Kayigi yakomeje avuga ko bageze iwe bamusatse bamusangana andi mafaranga ibihumbi makumyabiri nayo y’amakorano.

Yagize ati "Tugeze iwe twarahasatse dusanga andi mafaranga y’amakorano ibihumbi 20 nayo y’amakorano munsi y’uburiri aryamaho, atubwira ko ari ho asanzwe abika amafaranga ye yose, bigaragara ko yari yagize ubwoba bw’ibyo yari amaze gukora.”

Nsengiyumva avuga ko aya mafaranga atari azi ko ari amakorano, kuko ngo nawe ari mugenzi we utuye mu mujyi wa Kigali wari wayamwishyuye kuko yari amubereyemo umwenda w’amafaranga y’u Rwanda ibihumbi 50.

IP Kayigi yashimiye uyu mukozi utanga serivisi z’itumanaho, anagira inama bagenzi be ko buri gihe bajya buzuza imyirondoro y’abaje kuzisaba kugira ngo mu gihe habaye ibyaha nk’ibi byoroshye ifatwa ry’ababikoze, no kujya bashishoza mu gihe cyo kubikira no kubikuriza umukiriya amafaranga.

Nsengiyumva aramutse ahamwe n’icyaha yahanishwa ingingo ya 604 yo mu gitabo cy’amategeko ahana ibyaha mu Rwanda ivuga ko umuntu wese uhimba, ukoresha cyangwa ukwirakwiza mu buryo ubwo ari bwo bwose ibintu byose byakwitiranywa n’amafaranga cyangwa izindi mpapuro zivunjwamo amafaranga, ahanishwa igifungo kuva ku myaka ibiri (2) kugeza ku myaka itanu (5) n’ihazabu y’amafaranga y’u Rwanda yikubye inshuro kuva kuri ebyiri (2) kugeza ku icumi (10) z’agaciro k’amafaranga y’amahimbano.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.