Advertisement
 
 
 
 
 
 
 
 

Amakuru | Mu Rwanda

Nyabihu: Baravuga imyato RDB yabakijije ivumbi ku ishuri   

  Yanditswe na IYAREMYE YVES
 5 months ago

 
 

Abanyeshuri, ababyeyi n’abarimu bo ku ishuri ribanza rya Kanyove riherereye mu kagari ka Kanyove, Umurenge wa Mukamira mu karere ka Nyabihu baravuga imyato Ikigo Cy’Igihugu Cy’Iterambere (RDB) cyabukabikye ibyumba by’amashuri birindwi bigakemura ikibazo cy’umwanda wakomokaga ku ivumbi.

Ibyumba n’ibigega bifata amazi byubakiwe aba baturage byuzuye bitwaye amafaranga y’u Rwanda miliyoni 55 muri gahunda yo gusangiza abaturiye Pariki umusaruro uva ku bukerarugendo, bikaba byaratashwe mu cyumweru gishize muri gahunda iteguza umuhango wo kwita Izina witezwe tariki 2 Nzeri 2016.

Bavuga ko ivumbi ryabaga mu mashuri hari ubwo ryakururaga amavunja ku bana, ariko ngo iki kibazo cyakemutse.

Umuyobozi w’Ikigo cy’amashuri abanza cya Kanyove, Makuza Laurent, yemeje ko mbere y’uko bubakirwa aya mashuri bari babayeho nabi mu byumba bishaje, bitagira isima, byabasabaga kuminjira amazi mu ivumbi buri munsi kugira ngo birinde amavunja.

Makuza yagize ari ati "Iki kigo cyatangiye mu mwaka wa 1979 cyabatse kera twakundaga guhura n’ikibazo cy’amavunja abanyeshuri barwaye ubwo bikadindiza imyigire, ariko aho twubakiwe ibyumba byaradufashije atari uguca amavunja gusa, ahubwo byatumya n’abari baravuye mu ishuri bagaruka. "

Akomeza avuga ko iki kigo kigifite byinshi byo guhindurwa kuko gisigaranye ibyumba 10 bishaje cyane ku buryo bigaragara nk’ibyasenyutse ariko abanyeshuri bakaba bakibyigiramo.

Belize Kaliza Umuyobozi Mukuru ushinzwe Ubukerarugendo muri RDB avuga ko bakora ibikorwa byo gufasha abaturiye ibirunga mu rwego rwo kubasangiza ku musaruro w’ubukerarugendo.

Yagize ati "Tukigera hano wabonaga amashuri bafite agiye kubagwaho, hasi ivumbi ari ryose, hari n’abo ryashoboraga gutera amavunja ariko ibyumba bahawe bizatuma abanyeshuri biga neza bibarinda ingaruka zitandukanye z’umwanda. Ikindi uwize mu ishuri ryiza bimufasha kwiga neza. "

Abanyeshuri, abarimu ndetse n’ababyeyi muri rusange basabwe kubungabunga ibi bikorwa remezo kugira ngo n’ibindi bazabona bizasange ibihari bifashwe neza kandi byarabahinduriye ubuzima.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.