2017-06-25 13:58:23 clouds 27o High | Kigali Rwanda

Dukurikire:
 
 

Ntiducuruza ubwenge turabutanga- Prof. Nshuti Manasseh

Yanditswe na Claude Ntawitonda

Kuya 2016-09-15 18:43:21

 
Share on:
 
Yasuwe:18
 
Yavuzweho:200
 
10
 
10

Kaminuza ya Kigali (University Of Kigali) yakiriye abanyeshuri bashya mu mwaka w’amashuri 2016-2017, mu gitondo cyo kuri uyu wa Kane tariki 15 Nzeri, Umuyobozi w’Inama y’abashinze iyi kaminuza Prof. Nshuti Manasseh abahamiriza ko badacuruza ubwenge ahubwo babuha ababukeneye.

Muri uyu muhango n’abanyeshuri basanzwe biga muri iyi kaminuza bibukijwe inshingano zabazanye ko bakwiye kuba abanyeshuri b’intangarugero aho banyura hose no mu byo bakora byose.

Prof. Nshuti Manasseh yavuze ko umunyeshuri mwiza ari uhorana imyitwarire myiza(discipline) kuko ari byo Abanyarwanda bita ubupfura bugaragara mu ndangagaciro zabo.

JPEG - 287.9 kb
Prof. Nshuti Manasseh Umuyobozi w’Inama y’Ubuyobozi yashinze Kaminuza ya Kigali (Foto Gentil)

Prof. Nshuti yagarutse ku ireme ry’uburezi ritangwa n’iyi kaminuza ati “Ntiducuruza ubwenge, ahubwo twe dutanga ubwenge ku bahisemo kutugana. Kwiga neza bihesha nyirabyo agaciro ikindi kandi ni wo murage ababyeyi muri iki gihe baraga abana.”

Yakomeje avuga ko ku gihe cyabo wasangaga benshi barabyawe n’ababyeyi batize bagakurira mu nka, amasambu n’ibindi bitandukanye bikaba bihabanye n’ubu ubwo butunzi butagaragara mu banyarwanda bose uko ari miliyoni zirenga 11.

Yongeyeho ko buri wese akwiye kumenya agaciro k’ishuri akiga aharanira gutera imbere, bagahindura imyumvire bakaba abanyeshuri beza igihugu gitezeho amaboko.

JPEG - 280.3 kb
Abanyeshuri bashya bahabwa iaze n’ubuyobozi bwa Kaminuza ya Kigali

Marie Jeanne Afrika Umujyanama mu by’imyitwarire y’abanyeshuri yabahanuye ababwira ko nta munyenshuri n’umwe wemerewe kugirana ubucuti bwite n’umwarimu, ahubwo bagomba kwiga bahabwa amanota bakoreye.

Yagize ati “Ntihazagire umwarimu ukubwira ngo vayo mu rugo dukosore umukoro yabasigiye cyangwa se ibizami runaka, waba uri umuhungu cyangwa umukobwa uzabibwirwa n’uwariwe wese azanyegere abimbwire cyangwa se ampamagare.”

Umwe mu banyenshuri bakiriwe muri iyi kaminuza Bwiza Ruzindana Joseline yabwiye Imvaho Nshya ko yiteze byinshi ahereye ku buryo baharangije bafite imirmo inyuranye hanze. Yaganye iyi kaminuza nyuma yo kubwirwa ko batanga ubumenyi bwamufasha ubuzima bwose.

Kaminuza ya Kigali yakiriye abanyeshuri basaga 1000 mu mashami anyuranye, ubusanzwe ikaba yigwamo nabagera ku 4000.

JPEG - 233.3 kb
Bwiza Ruzindana Joseline umunyeshuri mushya wa Kaminuza ya Kigali (Foto Gentil)
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE