Advertisement
 
 
 
 
 
 
 
 

Amakuru | Mu Rwanda

Ntaganzwa Ladislas ushinjwa ibyaha bya Jenoside yashyikirijwe urukiko   

  Yanditswe na TWAGIRA WILSON
 April 2016

 
 

Ubushinjacyaha bukuru bwashyikirije Urukiko rw’ibanze rwa Nyarugunga mu karere ka Kicukiro Ntaganzwa Ladislas ushinjwa uruhare muri Jenoside yakorewe Abatutsi uherutse gushyikirizwa ubutabera bw’u Rwanda mu kwezi gushize.

Ntaganzwa Ladislas ukekwaho ibyaha bya Jenoside yakorewe Abatutsi araregwa bitanu akaba yitabye urukiko kuri uyu wa mbere taliki 4 Werurwe 2016, birimo kurimbura imbaga y’Abatutsi, gusambanya abagore ku gahato, ubwicanyi bwibasiye inyokomuntu n’ubundi bwicanyi bivugwa ko yakoreye mu cyahoze ari Komini Nyakizu muri Perefegitura ya Butare.

Ubushinjacyaha bwavuze ko ubu bwicanyi yari ayoboye bwiciwemo Abatutsi basaga ibihumbi 20.

Ubushinjacyaha bwavuze ko ku ya 15 Mata 1994, Ladislas Ntaganzwa yakoresheje ububasha yari afite ajyana n’abajandarume ndetse n’Interahamwe atageka n’impunzi za Abarundi kugota Paruwasi ya Cyahinda kugira ngo Abatutsi bari bahungiyemo hatazagira n’umwe ucika.

Ashinjwa kandi kuba yarifashishije indangururamajwi agaha amabwiriza abakoraga ubwicanyi bari mo Abasederi nka Rwamanwa, Maniraho Celestin, Dusabe Geofrey wari umugenzuzi w’amashuri na Bazarama wayoboraga inkambi y’Abarundi.

Abajijwe kugira icyo avuga kubwicanyi bwakorewe kubabariyeri yo kukanyaru harimo bariyeri yahitwa Rwabudandi n’ahandi aho yakanguriye abakonseye, no gufatanya na bamwe mu bayobozi b’ingabo kwica, no gukumira Abatutsi bose bashakaga kwambuka umupaka bahungira mu Burundi, Ntaganzwa ubwe yifashe ntiyagira icyo yemera cyangwa ngo ahakane, mu gihe munyandikomvugo yakorewe imbere y’ubushinjacyaha yari yemeye ko azavugira imbere yurukiko.

Ntaganzwa n'umwunganira muu mategeko bari biteguye kwitaba Inteko iburanisha

Me Bugabo Laurent wunagnira Ntaganzwa mu by’ amategeko yabwiye urukiko ko ashingiye ku itegeko, urukiko rwa Narugunga rudafite ububasha bwo kuburanisha umukiriya we, kandi ko hakiri ikibazo cy’uko nta dosiye y’ibyo aregwa arabona ngo ayisome, asaba ko bahabwa umwanya.

Siboyontore J Bosco Uyobora ishami rishinzwe gushakisha abakoze Jenoside bahungiye mu bindi bihugu yabwiye Imvaho Nshya ko urukiko rwa Nyarugunga rufite ububasha bwo kuburanisha Ntaganzwa cyane ko ruherereye mu Murenge yasohoreyemo ubwo yashyikirizwaga ubutabera bw’u Rwanda n’Urwego rwahawe kurangiza imanza za Jenoside, MICT(Mechanism for International Criminal Tribunal).

Ladislas Ntaganzwa yatawe muri yombi ku wa 7 Ukuboza 2015 ahitwa Nyanzale muri Repubulika Iharanira Demokarasi ya Congo (RDC) ashyikirizwa ubutabera bw’u Rwanda tariki 20 Werurwe 2016.

Icyemezo ku ifunga n’ifungurwa by’agateganyo kizafatwa ku ya 6 Mata 2016.

Ntaganzwa n'umwunganira mu mategeko banze gusubiza ibirego bashinjwaga mu rukiko

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.