Advertisement
 
 
 
 
 
 
 
 

Amakuru | Mu Rwanda

Nta musaruro wakwitega ku mukozi utagira amasezerano y’akazi-MIFOTRA   

  Yanditswe na IYAREMYE YVES
 3 months ago

 
 

Minisiteri yaAbakozi ba Leta n’Umurimo iranenga abakoresha badatanga amasezerano y’imikoranire n’abakozi babo, ikibutsa ko gukoresha abantu binyuranyije n’amategeko bigira ingaruka nyinshi zirimo no kurumba k’umusaruro umukozi yakagombye gutanda.

Iyi Minisiteri ivuga ko umukozi wahawe akazi atagombye kurenza nibura amezi atandatu atarabona amasezerano yanditse kuko biba ari ukumuhemukira, guhemukira igihugu ndetse no kwizera ko bagukorera nta musaruro batanga.

Abakozi batandukanye bo mu karere ka Rubavu bavuga ko kudahabwa kontaro ari bimwe mu bibatera umutekano muke mu kazi, bagasanga kutagira amasezerano y’akazi bibangamira uburenganzira n’umutuzo byabo ndetse bigira n’ingaruka k’umusaruro uba uteganyijwe.

Kanamugire JMV, umwe mu bakozi batagira kontaro ukorera muri kimwe mu bigo by’i Rubavu, yemeza ko baherutse binjira mu kazi ariko bagategereza ko bazahabwa kontaro bagaheba. Yemeza ko bibangamira umutekano wabo ndetse nabo bagakora mu buryo budakwiye.

JPEG - 328.2 kb
Abakoresha basabwe guha amasezerano abakozi babo (Foto Iyaremye Y)

Aragira ati “Iyo mudafitanye amasezerano agufata uko yiboneye nawe ugakora ubona ko umwanya ukoramo Atari uwawe, ko nta cyangombwa kigaragaza ko uri mu kazi, ubwo rero ntabwo ibyo ukora ubigira ibyawe, umunota ku wundi umukoresha Ashobora kukwirukana kandi ntabwo wabona aho umurega.”

We n’abandi bakozi bahamya ko abikorera ari bo bakora aya makosa, aho umukozi ahembwa ukwezi ariko akaba nta cyizere ko azahembwa ukwezi gutaha. Ngo hari n’aho umukozi ahembwa ari uko bungutse gusa, bagasaba ko ababishinzwe babigenzura.

Minisiteri y’Abakozi ba Leta n’umurimo ivuga ko bitari bikwiye ko umukoresha yirengagiza guha umukozi agiye gukoresha amasezerano, kuko aba anyuranyije n’itegeko rigenga umurimo.

Nkundabakura Karima Java, umugenzuzi mukuru w’umurimo muri iyi Minisiteri, anenga abakoresha badatanga amasezerano, akavuga ko umukoresha atagombye kurenza amezi 6 ataraha umukozi amasezerano yanditse.

Aragira ati “Hari abakoresha babikora bagatanga amasezerano atanditse, n’ubwo byemewe mu gihe kitarenze amezi 6 ariko hari aho usanga bikorwa bikagera no ku myaka 2. Icyo gihe ibyo nta mutekano, nta n’umusaruro wamutegaho, aba hari ibintu byinshi atabasha kugeraho nko kuba yakwizerwa mu bigo by’imari n’ahandi kandi aba yishe itegeko rigenga akazi, kandi twarabihagurukiye duhereye mu biganiro.”

Ikibazo cyo kutagira amasezerano y’akazi kandi cyagaragajwe nk’imwe mu ntandaro z’amakimbirane akunze kurangwa ahagati y’abakozi n’abakoresha.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.