Advertisement
 
 
 
 
 
 
 
 

Amakuru | Mu Rwanda

Nta munyarwanda ufite isezerano ryo kuba umukene - Minisitiri Nsengimana   

  Yanditswe na IYAREMYE YVES
 4 months ago

 
 

Minisitiri w’urubyiruko n’Ikoranabuhanga Nsengimana Jean Philbert, yasabye abaturage bo mu karere ka Rubavu ndetse n’Abanyarwanda gukunda umurimo, bakabyaza umusaruro amahirwe y’iterambere igihugu cyabahaye, bagasezera burundu ku bukene.

Minisitiri Nsengimana yibukije aba baturage kubyaza umusaruro amahirwe bafite yo kugira igihugu cyiza, gifite umutekano n’imiyoborere myiza utasanga ahandi, kandi cyorohereza ushaka kwiteza imbere.

Ubu butumwa uyu muyobozi yabugarutseho ubwo yari yasuye abaturage bo mu karere ka Rubavu mu murenge wa Nyundo, ahazubakwa umudugudu w’icyitegererezo.

JPEG - 194.3 kb
Minisitiri Jean Philbert Nsengimana aganira n’abaturage bo ku Nyundo (Foto Iyaremye Y)

By’umwihariko ku baturage bo muri uyu murenge ugiye kubakwamo umudugudu w’icyitegererezo, yabibukije ko bagiye kwegerezwa ibikorwa remezo, abibutsa kwagura ibitekerezo bagashaka uko babyaza umusaruro aya mahirwe Leta ibahaye.

Yagize ati “Mugiye kubakirwa umudugudu uzuzura utwaye akayabo k’amafaranga miliyoni 800, hazatuzwamo abari batuye nabi mu manegeka muzazanirwa itanura rya kijyambere, agakiriro, ikigo nderabuzima, amashuri, interineti yihuta ya 4G n’ibindi byihutisha iterambere, mwigeze mubona he Leta yita ku muturage kugeza kuri uru rwego?.”

Yakomeje agira ati “Aya ni amahirwe yiyongera ku yo mwari mufite mukwiye kumenya ko nta munyarwanda wasezeranye kuba umukene, mukwiye gukora cyane kugira ngo mugere ku bukire mwifuje, mubeho munazigamira abana banyu.”

Mukeshimana Emerance, umwe mu baturage batuye ahagiye kubakwa uyu mudugudu, yagize ati “Kuba tugiye kwegerezwa umudugudu w’icyitegererezo ni andi mahirwe, nk’uko dukangurirwa gukora tuzawubyaza umusaruro mu buryo bwose bushoboka.

Turagirwa inama yo kwizigamira no gukora cyane, niho natwe twiteze icyizere cy’ahazaza n’ubuzima bwiza.”

Murenzi Janvier, umuyobozi w’akarere ka Rubavu wungirije ushinzwe iterambere ry’ubukungu, nawe yibukije abaturage kubyaza umusaruro amahirwe atandukanye agaragara mu karere kabo.

Yagize ati “Mu karere kacu hari amahirwe menshi, dufite akarere keza kandi kera ndetse kanafatwa nka kimwe mu bigega by’igihugu.

Rero kuba nta sezerano twagiranye n’ubukene, dusabwe kubyaza umusaruro amahirwe yose dufite yiyongeraho kuba turi mu gihugu kiyobowe neza kandi giha amahirwe abanyarwanda.”

 

Comments

 
 
Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.