Advertisement
 
 
 
 
 
 
 
 

Amakuru | Mu Rwanda

Nituvuga ubwisanzure ntitukirengagize amateka- Min Busingye   

  Yanditswe na NTAWITONDA JEAN CLAUDE
 5 months ago

 
 

Minsitiri w’Ubutabera akaba n’Intumwa Nkuru ya Leta, Johnston Busingye, yibukije imiryango itegamiye kuri Leta iharanira uburenganzira bwa muntu ko gukora neza bijyana no kwirinda kugendera ku muvuduko urenze uw’imiterereremezo y’aho bakorera (context).

Mu nama yahuje inzego zitandukanye za Sosiyete sivile hagamijwe kurebera hamwe icyakorwa mu gushyira mu bikorwa ibyifuzo-nama mu byerekeye Uburenganzira bwa Muntu (UPR), Minisitiri Busingye yibukije abaharanira uburenganzira bwa muntu gukorera mu miterereremezo y’u Rwanda aho kugendera ku byo bifuza.

Yashimangiye ko ikintu cyose gishyizwe mu gihe cyacyo hamenyekana aho kigana, ati “Ikintu tugomba gukora muri ubu bufatanye ni ukutirengagiza amateka. Nk’urugero, mu gihe tuganira ku bwisanzure bw’itangazamakuru, ubwo kuvuga n’ubundi, buri gihe tugomba kwitonda tukareba aho u Rwanda rwavuye n’aho rugeze. Ibi bijyana n’ahantu n’igihe (context).”

JPEG - 95.9 kb
Minisitiri Busingye yasabye Sosiyete Sivile kuba imfura mu kugaragaza uko uburenganzira bwa muntu buhagaze mu Rwanda

Yakomeje atanga ingero z’uburyo ubwisanzure, nka kimwe mu biri mu byifuzo-nama u Rwanda rwasabwe gukosora, ruri mu bihugu bike ku Isi umugore yahawe agaciro gakomeye, aho umuturage agenda nijoro ntacyo yikanga, ibitangazamakuru byiyongereye mu buryo bufatika, amashyaka ya politiki akaba menshi, ingengabitekerezo ya Jenoside ikaba iri mu marembera n’ibindi.

Umuyobozi w’Ihuriro ry’Imiryango itanga ubufasha mu by’amategeko (LAF) Kananga Andrews, yashimangiye ko Sosiyete Sivile ikorera mu miterereremezo y’igihugu ariko hari imwe mu miryango ishobora kuyisobanura nabi.

Ati “Biterwa n’ubisobanura ariko ntawe uyobewe ko mu Rwanda twahuye n’ikibazo cya Jenoside, uruhare itangazamakuru ryagize, uburenganzira bwa muntu butubahirijwe bigatera Jenoside. Ariko turavuga tuti ‘nubwo dufite ayo mateka hari ahantu igihugu kimaze kugera, hari intambwe nyinshi dukwiriye gutera...’”

Sosiyete Sivile yasabwe kuba imfura mu gusuzuma ibyifuzo-nama kuko mu gihe cy’imyaka ine bazakoramo raporo ishyikirizwa Loni, hagomba kwirindwa amarangamutima no kubogama kugira ngo hazagaragazwe isura nyayo y’u Rwanda.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.